BETA

This site is new, your feedback will help us improve it.

Support program
Health

Ստանալ վիրուսային հեպատիտ Ց-ի բուժում

Ծրագրի շրջանակներում կազմակերպվում է վիրուսային հեպատիտ Ց-ով պացիենտներին անվճար տրամադրվող ուղղակի ազդող հակավիրուսային դեղերով բուժումը: 

This service is only available offline, we are working on an online version

Ծրագրի մասին

 

Ծրագրի շրջանակներում կազմակերպվում է ՀՀ-ում վիրուսային հեպատիտ Ց-ով պացիենտներին անվճար տրամադրվող ուղղակի ազդող հակավիրուսային դեղերով` «Սոֆոսբուվիր/Վելպատասվիր» (Sofosbuvir/Velpatasvir) բուժումը: 

Վիրուսային հեպատիտ Ց-ով պացիենտների վարումը, դեղատոմսի տրամադրումը և հսկողությունն իրականացվում է ինֆեկցիոն հիվանդությունների և/կամ աղեստամոքսաբանության մասնագիտացում ունեցող համապատասխան բժիշկ-մասնագետի կողմից:
 

Ովքե՞ր կարող են դիմել

 

Ծրագրի շրջանակներում բժշկական օգնությունը և սպասարկումը տրամադրվում է.

  • 12 տարեկանից բարձր հեպատիտ Ց ախտորոշմամբ պացիենտներին, (որակական ՊՇՌ մեթոդով «Ց» վիրուսի փաստացի պատասխան),
  • լյարդի ֆիբրոզ  0 – 4 (այդ թվում՝ լյարդի ցիռոզի Child-Pugh A դաս, MELD <20) ունեցող պացիենտներին` 12 շաբաթ տևողությամբ,
  • լյարդի ցիռոզ (Child-Pugh B կամ C դաս, MELD<20) ունեցող պացիենտներին` 24 շաբաթ տևողությամբ:
     

Հեպատիտ Ց-ով պացիենտների «Սոֆոսբուվիր/Վելպատասվիր» (Sofosbuvir/Velpatasvir) դեղերով բուժումն իրականացվում է հետևյալ պարտադիր լաբորատոր-գործիքային ախտորոշիչ հետազոտությունների արդյունքների հիման վրա` 

 

  • հեպատիտ Ց վիրուսի հայտնաբերում (դրական) որակական պոլիմերազային շղթայական ռեակցիայի (ՊՇՌ) մեթոդով,
  • ֆիբրոզի աստիճանի որոշում՝ լյարդի էլաստոգրաֆիա (ֆիբրոսկան) և/կամ APRI և/կամ FIB-4, ընդ որում, 3-րդ և 4-րդ աստիճանի ֆիբրոզի դեպքում որոշվում է նաև AFP,
  • արյան ընդհանուր հետազոտություն լեյկոբանաձևով, կենսաքիմիական հետազոտություն (բիլիռուբին ընդհանուր/կապված, ԱԼՏ, ԱՍՏ, ալբումին, գլյուկոզ, կրեատինին, պրոտրոմբինային ժամանակ/ինդեքս/INR),
  • HBsAg և/կամ հակա-HBc ու հակա-HIV (հակամարմիններ ՄԻԱՎ-ի նկատմամբ),
  • որովայնի խոռոչի օրգանների ուլտրաձայնային հետազոտություն:

 

Դիմելու կարգ

 

Ծրագրի շահառուները համապատասխան փաստաթղթերով դիմում են հետևյալ բժշկական կազմակերպություններ.

  • Ինֆեկցիոն հիվանդությունների ազգային կենտրոն
  • «Միքայելյան» համալսարանական հիվանդանոց
  • «Աստղիկ» բժշկական կենտրոն
  • «Էրեբունի» բժշկական կենտրոն
  • «Նաիրի» բժշկական կենտրոն
  • «Արմենիա» հանրապետական բժշկական կենտրոն
  • «Էլիտ-Մեդ» բժշկական կենտրոն
  • «Վիոլետա» բժշկական կենտրոն
  • «Նիկոմեդ» բժշկական կենտրոն

 

Անհրաժեշտ փաստաթղթեր

 

Ծրագրի շրջանակներում տրամադրվող բժշկական օգնության և սպասարկման համար հիմք են հանդիսանում հետևյալ փաստաթղթերը`

 

  • անձը հաստատող փաստաթուղթը,
  • վերոնշյալ պարտադիր լաբորատոր-գործիքային ախտորոշիչ հետազոտությունների արդյունքները հավաստող փաստաթղթերը:
     

Խորհրդատվություն, օգտակար հղումներ

 

ՀՀ Առողջապահության նախարարի 2022 թվականի հուլիսի 26-ի թիվ 3242-Լ հրաման

ՀՀ ԱՆ թեժ գիծ՝ 8003,
Տեղեկատու հեռ.` (+374 60) 80 80 03 /2304։
 

Տեխնիկական աջակցության համար՝

Աշխատանքային ժամեր՝
09:00-18:00
Հեռախոսահամար`
(+374 60) 80 80 03 

 

Service provided by
ՀՀ առողջապահության նախարարություն
Այս էջը օգտակա՞ր էր