Ուսման վճարի լրիվ կամ մասնակի փոխհատուցման համար ուսանողը կարող է դիմել այն ուսումնական հաստատություն, որտեղ սովորում է։

Ներկայացվող պահանջները 

Ուսման վճարի լրիվ փոխհատուցման կարող են դիմել այն ուսանողները, ովքեր․

• մնացել են առանց ծնողական խնամքի (մինչև 23 տարեկան),
• ունեն 1-ին, 2-րդ աստիճանի հաշմանդամություն,
• ունեն պարտադիր ժամկետային զինվորական ծառայության ընթացքում հաշմանդամության 1-ին կամ 2-րդ կարգ ստացած ծնողներ,
• զոհված զինծառայողի ընտանիքից են։
  
  

Ուսման վճարի մասնակի փոխհատուցման կարող են դիմել այն ուսանողները, ովքեր․

• սոցիալապես անապահով են, 
• բնակվում են սահմանամերձ համայնքներում,
• մասնակցել են մարտական գործողություններին,
• ունեն 2 և ավելի անչափահաս երեխա,
• միակողմանի ծնողազուրկ են։

Պահանաջվող փաստաթղթերը

Ուսումնական վճարի մասնակի կամ լրիվ փոխհատուցման համար անհրաժեշտ է ներկայացնել․

• դիմում,
• համապատասխան կարգավիճակը հավաստող փաստաթուղթ։
  
  

Աջակցության չափը

Նախնական և միջին մասնագիտական ուսման վճարը պետության կողմից փոխհատուցվում է ուսման վճարի մինչև 70%-ի չափով։