Փոփոխության համար անհրաժեշտ է պահանջվող փաստաթղթերով դիմել ՀՀ արդարադատության նախարարության իրավաբանական անձանց պետական ռեգիստրի գործակալության տարածքային սպասարկման գրասենյակներ։

Ներկայացվող պահանջները 

Դիմելու համար անհրաժեշտ է լինել իրավաբանական անձի գործադիր մարմնի ղեկավարը կամ վերջինիս կողմից լիազորված անձ։ 

Պահանջվող փաստաթղթերը

Հիմնադրամի կանոնադրության փոփոխության համար անհրաժեշտ է ներկայացնել․

• դիմում,
• կանոնադրության փոփոխությունները, լրացումները կամ նոր խմբագրությամբ կանոնադրությունը հաստատելու մասին որոշումը,
• կանոնադրության փոփոխությունները կամ լրացումները (կամ նոր խմբագրությամբ կանոնադրությունը),
• պետական տուրքի վճարման անդորրագիրը,
• լիազորագիր և անձը հաստատող փաստաթուղթ (լիազորված անձի դեպքում):

Վճարման չափը և կարգը

Հիմնադրամի կանոնադարության փոփոխությունների պետական գրանցման համար սահմանված է պետական տուրք 10,000 ՀՀ դրամի չափով։

E-payments համակարգի միջոցով վճարելու դեպքում անհրաժեշտ է փոխանցել՝

• 10,000 դրամ՝ կանոնադրության փոփոխության համար։

Վճարումը բանկային փոխանցմամբ կատարելու դեպքում անհրաժեշտ է փոխանցել՝

• 10,000 ՀՀ դրամ՝ ՀՀ պետական բյուջեի 900005160719 հաշվեհամարին։

Նպատակ՝ «Առևտրային կազմակերպությունների և դրանց առանձնացված ստորաբաժանումների կանոնադրությունների փոփոխությունների ու լրացումների, նոր խմբագրությամբ կանոնադրությունների, գործադիր մարմնի ղեկավարի փոփոխության, պետական միասնական գրանցամատյանում գրառման ենթակա տեղեկությունների փոփոխությունների գրանցման համար (բացառությամբ գործադիր մարմնի ղեկավարի տվյալների և առևտրային կազմակերպության մասնակցի տվյալների փոփոխության)»։

Եթե բանկային հավելվածում չի ստացվում փոխանցում կատարել նշված հաշվեհամարներին, ապա խնդրում ենք ընտրել «Փոխանցում պետական բյուջե» տարբերակը։

Փոփոխությունը հնարավոր է գրանցել ավելի սեղմ ժամկետներում՝ վճարելով սահմանված գումարները 90001319404 արտաբյուջետային հաշվեհամարին՝ 

• 60,000 ՀՀ դրամ՝ 1 աշխատանքային օրվա ընթացքում, 
• 40,000 ՀՀ դրամ՝ 3 աշխատանքային օրվա ընթացքում, 
• 30,000 ՀՀ դրամ՝ 5 աշխատանքային օրվա ընթացքում։

Նպատակ՝ «1, 3 կամ 5 աշխատանքային օրվա ընթացքում հիմնադրամի փոփոխությամբ պայմանավորված պետական գրանցման կամ գրանցման գրավոր մերժման (նշելով մերժման հիմքերը) վճարովի ծառայության մատուցման համար»։

Տրամադրման ժամկետը և կարգը

Հիմնադրամի կանոնադրության փոփոխության պետական գրանցումը կատարվում է 10 աշխատանքային օրվա ընթացքում (առանձին դեպքերում՝ 1, 3 կամ 5 աշխատանքային օրվա ընթացքում)։ 

Հղում օրենսդրությանը

• «Իրավաբանական անձանց պետական գրանցման մասին» ՀՀ օրենք 
• «Պետական տուրքի մասին» ՀՀ օրենք 
• ՀՀ կառավարության՝ 2011 թվականի հունիսի 2-ի N 860-Ն որոշում

Իրավական ակտերը հնարավոր է գտնել arlis.am-ում։