Ստանալ հատուկ և դժվարամատչելի ախտորոշիչ հետազոտությունների աջակցություն

BETA

This site is new, your feedback will help us improve it.

Support program

Health

Ստանալ հատուկ և դժվարամատչելի ախտորոշիչ հետազոտությունների աջակցություն

Ծրագրով բնակչությանը պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում տրամադրվում է հատուկ և դժվարամատչելի ախտորոշիչ հետազոտություններ կատարելու հնարավորություն։

Հատուկ ու դժվարամատչելի են համարվում այն բժշկական հետազոտությունները, որոնք Հայաստանում տարածքային առումով հասանելի չեն և ընդգրկված չեն պոլիկլինիկաներում ամբողջ ՀՀ բնակչության համար անվճար կատարվող լաբորատոր-գործիքային ախտորոշիչ հետազոտությունների փաթեթում։

This service is only available offline, we are working on an online version

Who can apply?

ՀՀ քաղաքացիներ

Filiing duration

15-20 րոպե

Հատուկ և դժվարամատչելի ախտորոշիչ հետազոտությունների աջակցություն ստանալու համար անհրաժեշտ է դիմել տարածքային պոլիկլինիկա։

Ներկայացվող պահանջները

Այս ծրագրին կարող են դիմել․

պետության կողմից երաշխավորված անվճար և արտոնյալ պայմաններով բժշկական օգնություն և սպասարկում ստանալու իրավունք ունեցող բնակչության սոցիալապես անապահով և առանձին խմբերի ցանկում ընդգրկված անձինք (բացառություն են զորակոչային, 27 տարեկանից բարձր և զինվորական ծառայություն չանցած, ինչպես նաև պահեստազորում հաշվառված քաղաքացիների և զինվորական ծառայության մեջ գտնվող անձինք),
ցանկում չընդգրկված չարորակ նորագոյացություններով և տուբերկուլոզ ախտորոշում ունեցող բոլոր պացիենտները,
ցանկում չընդգրկված այն անձինք, որոնք ունեն պոլիկլինիկական բժշկական օգնություն տրամադրող կազմակերպություններում մշտական գործող ուղեգրող հանձնաժողովների կողմից տրամադրված ուղեգիր։

Պահանջվող փաստաթղթերը

Հատուկ և դժվարամատչելի ախտորոշիչ հետազոտությունների աջակցություն ստանալու համար անհրաժեշտ է ներկայացնել․

անձը հաստատող փաստաթուղթ,
թղթային կամ էլեկտրոնային առողջապահության համակարգում առկա ուղեգիրը,
սոցիալապես անապահով և հատուկ խմբերի ցանկում ընդգրկված լինելու փաստը հավաստող փաստաթուղթ և դրա պատճենը,
չարորակ նորագոյացություններ ախտորոշում ունեցող անձինք` «Չարորակ նորագոյացություն» ախտորոշումը հաստատող տեղեկանք` տրված ուռուցքաբանական բժշկական օգնություն և սպասարկում իրականացնելու համար լիցենզավորված կազմակերպության կողմից,
տուբերկուլոզ ախտորոշում ունեցող անձինք` «տուբերկուլոզ» ախտորոշումը հաստատող տեղեկանք` տրված տուբերկուլոզային բժշկական օգնություն և սպասարկում իրականացնելու համար լիցենզավորված կազմակերպության կողմից,
վերարտադրության տարիքի կանայք` հղիության, ծննդաբերության և հետծննդյան շրջանում՝ տեղեկանք կամ քաղվածք հղիի հսկողության քարտից` տրված հղիի նախածննդյան հսկողություն իրականացնող բժշկական կազմակերպության կողմից:

Տրամադրման ժամկետը և կարգը

Աջակցության տրամադրման ժամկետները և կարգը սահմանվում են տեղամասային պոլիկլինիկաների կամ բժշկական հաստատությունների կողմից։

Հղում օրենսդրությանը

ՀՀ կառավարության՝ 2004 թվականի մարտի 4-ի N 318-ն որոշում
ՀՀ առողջապահության նախարարի՝ 2013 թվականի մարտի 20-ի N 53-Ն հրաման

Օրենսդրական ակտերը հնարավոր է գտնել arlis.am-ում։

Ծառայության գծով աջակցության համար՝

Աշխատանքային ժամեր՝
09:00-18:00

Հեռախոսահամար`
(+374) 060 80-80-03

Թեժ գիծ՝

8003

Service provided by

ՀՀ առողջապահության նախարարություն

[email protected]https://www.moh.am