Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Վարորդի վարչական տուգանքները ստուգելու համար անհրաժեշտ է․

• այցելել roadpolice.am,

• սեղմել «ֆիզ․ անձանց համար» կոճակը,

• շահագործող դաշտում լրացնել հանրային ծառայությունների համարանիշը (սոցիալական քարտի համարը), վարորդական վկայականի համարը և հեռախոսահամարը,

• անհրաժեշտ տվյալները մուտքագրելուց հետո նշված հեռախոսահամարին կգա SMS հաղորդագրություն, որն անհրաժեշտ է լրացնել բացված վանդակում,

• այնուհետև՝ կայքի "Խախտումներ" բաժնում լրացված կլինի տվյալ վարորդի ունեցած բոլոր խախտումներն ու տուգանքները:

Այս հարթակներում հնարավոր է ծանոթանալ ընդունված բոլոր որոշումներին, վարչական տուգանքների նշանակմանը, հետևել սեփական տուգանային բալերի հաշվեկշռին։ Բացի այդ՝ կարելի է նաև բաժանորդագրվել համակարգում և վարչական տուգանքների նշանակման մասին ծանուցումները ստանալ SMS հաղորդագրությամբ։

Վարորդի վարչական տուգանքները կարելի է ստուգել նաև մոբայլ բանկինգների կամ վճարային տերմինալների միջոցով՝ մուտքագրելով մեքենայի տվյալները կամ ստացված որոշման համարը։

yerevan.am կայքում կարելի է ստուգել վճարովի ավտոկայանատեղերի իրավախախտումները պետհամարանիշներով կամ Փին-կոդերով։ 

Իրավախախտումների մասին տեղեկություններ կարելի է ստուգել նաև ՀՀ Ոստիկանության “ROADPOLICE” տելեգրամյան բոտ-ի միջոցով։ Անհրաժեշտ է գրանցել ավտոմեքենան առցանց հարթակում և իրավախախտումներ կատարելու դեպքում ստանալ համապատասխան հաղորդագրություն։ 

Ավելի քան 24 ժամ ինտերնետ ցանցին հասանելիություն չունենալու դեպքում իրավախախտումները կարելի է ստուգել տելեգրամյան բոտում՝ սեղմելով «Տեսնել իրավախախտումները» կոճակը։ Ծառայությունից օգտվելու մասին ավելին իմանալու համար անհրաժեշտ է ծանոթանալ ուղեցույցին։