Պահանջվող փաստաթղթերը

Անհրաժեշտ է համապատասխան ՀՀ դեսպանություն կամ հյուպատոսական հիմնարկ ներկայացնել՝

• դիմում անձնագիր ստանալու մասին,
• 35x45 մմ չափսի 4 լուսանկար,
• փոխանակման ենթակա անձնագիրը և դրա 2-3-րդ էջերի պատճենը,
• արական սեռի քաղաքացիների դեպքում՝ զինվորական գրքույկը և դրա բոլոր էջի պատճենները, տեղեկանք զինվորական հաշվառման մասին կամ տարկետման մասին փաստաթուղթը և դրա պատճենը,
• պետական տուրքի վճարման անոդորրագիրը։

Պահանջվող հավելյալ փաստաթղթեր

Որոշ դեպքերում անձնագիրը փոխանակելու համար դիմելիս անձից կարող են պահանջվել հավելյալ փաստաղթղթեր, մասնավորապես՝

Անձնագիրը կորցնելու դեպքում՝

• հայտարարություն անձնագիրը կորցնելու մասին,

• 35x45 մմ չափսի 4 լուսանկար,

• առկայության դեպքում՝ կորած անձնագրի պատճենը։

Զինապարտ (18-55 տարեկան արական սեռի քաղաքացիներ) լինելու դեպքում՝

• զինվորական գրքույկը։

Եթե անձնագրում տվյալների փոփոխություն կամ գրառումների անճշտություն կա՝

• այն փաստաթուղթը, որի հիման վրա պետք է կատարվի տվյալների փոփոխությունը կամ ուղղումը, գրառումների անճշտության վերացումը և դրա պատճենը։

Վճարման չափը և կարգը

Տեսակապով դիմելու դեպքում անձնագիրը փոխանակելու համար անհրաժեշտ է վճարել 90,000 դրամ։ Վճարումն անհրաժեշտ է կատարել առցանց եղանակով։

Անհրաժեշտ է նաև վճարել անհատական փոստային առաքման համար։ Անհատական փոստային առաքման ծառայության վճարը կազմում է 12,500 - 20,500 դրամ՝ կախված երկրից։ Փոստային առաքման վճարումն անհրաժեշտ է կատարել առցանց եղանակով։

Տրամադրման ժամկետը և կարգը

Նոր անձնագիրը տրամադրվում է դիմումը ներկայացնելուց հետո 2-3 ամիսների ընթացքում։

ՀՀ արտաքին գործերի նախարարության Հյուպատոսական վարչությունն անհատական փոստային առաքման եղանակով անձնագիրն ուղարկում է դիմողի կողմից նշված օտարերկրյա պետության հասցեով։

Անձնագիրն ուղարկելուց հետո էլեկտրոնային փոստի միջոցով դիմողին է ուղարկվում փոստային առաքանու հսկիչ համարը, որի միջոցով հնարավոր է առցանց հետևել առաքանու ընթացքին։

Հղում օրենսդրությանը