ՀՀ-ում վտանգավոր թափոններ առաջացնող գործունեություն ծավալելու դեպքում անհրաժեշտ է կազմել և ՀՀ Շրջակա միջավայրի նախարարության հետ համաձայնեցնել վտանգավոր թափոնների անձնագիր։

Անձնագրի համաձայնեցման և հաստատման հայտը նախարարություն անհրաժեշտ է ներկայացնել՝ և ֆիզիկապես և էլ․ փոստի միջոցով։

Պահանջվող փաստաթղթերը

Անհրաժեշտ է [email protected] էլ․ փոստին ուղարկել անձնագիրը՝ հետևյալ բովանդակությամբ՝

• թափոնի անվանումը, կազմակերպության անվանումը և տվյալները,

• թափոնի ծածկագիրը,

• անձնագրավորվող թափոնի քանակությունը,

• թափոնի վտանգավոր հատկությունների ցանկը,

• ծագումը (ըստ տեխնոլոգիական կանոնակարգի),

• կազմը և դրա բաղադրիչների թունունակությունը,

• վնասազերծման կամ վերամշակման համար առաջարկվող եղանակը,

• հրդեհապայթյունավտանգությունը,

• կոռոզիոն ակտիվությունը, ռեակցիայի մեջ մտնելու ունակությունը,

• անհրաժեշտ նախազգուշական միջոցները թափոնի գործածության ժամանակ,

• թափոնի տեղափոխման սահմանափակումները,

• լրացուցիչ տեղեկություններ,

• թափոն արտադրողի հայտարարությունը,

կազմված անձնագրի հետ անհրաժեշտ է ուղարկել նաև հետևյալ փաստաթղթերը՝

• դիմում,

• կազմակերպության ղեկավարի կողմից սահմանված կարգով կազմված վտանգավոր թափոնի անձնագիր՝ և թղթային և էլեկտրոնային տարբերակով։

Ծառայության մատուցումը չհաստատելու հիմքերը

Հայտը կարող է չհաստատվել, եթե՝

• անձնագրում ներկայացված տեղեկությունները չեն համապատասխանում իրականությանը։

Տրամադրման ժամկետը և կարգը

Անձնագիրը համաձայնեցվում է այն լիազոր մարմին մուտքագրվելուց հետո 30 օրվա ընթացքում և գրանցվում գրանցամատյանում:

Հղում օրենսդրությանը

• «Թափոնների մասին» ՀՀ օրենք

• ՀՀ կառավարության 2006 թվականի հունվարի 19-ի N 47-Ն որոշում

• ՀՀ Բնապահպանության նախարարի 2007 թվականի փետրվարի 2-ի N 19-Ն հրաման

Իրավական ակտերը հնարավոր է գտնել Arlis.am-ում։