Այցի ժամանակ անհրաժեշտ է Օտարերկրացիների վարչություն ներկայացնել պահանջվող փաստաղթերը։

Պահանջվող փաստաթղթերը

Ժամանակավոր կացության քարտը վերականգնելու կամ փոխանակելու համար անհրաժեշտ է ներկայացնել հետևյալ փաստաթղթերը․

• դիմում Միգրացիայի և քաղաքացիության ծառայության պետի անունով,
• 35 x 45 մմ չափսի մեկ լուսանկար,
• պետական տուրքի վճարման արտոնություն ստանալու դեպքում՝ արտոնությունից օգտվելու վերաբերյալ փաստաթուղթ,
• անձնագրի փոփոխության դեպքում՝ նոր անձնագրի նոտարական կարգով վավերացված հայերեն թարգմանությունը։

Վճարման չափը և կարգը

Կացության քարտը վերաթողարկելու համար անհրաժեշտ է վճարել 12,000 դրամ։ Վճարումը հնարավոր է կատարել առցանց եղանակով կամ տեղում՝ վճարային POS տերմինալի միջոցով։

Ժամանակավոր կացության քարտը վերականգնելիս կամ փոխանակելիս այն անվճար տրամադրվում է հետևյալ անձանց․

• անչափահասներին (մինչև 18 տարեկան անձանց),
• ՀՀ քաղաքացու մերձավոր ազգականներին,
• Հայաստանի ուսումնական հաստատություններում սովորող օտարերկրացի ուսանողներին, դասավանդող մանկավարժներին և դասախոսներին,
• ՀՀ-ին մարդասիրական կամ տեխնիկական օգնություն տրամադրելու նպատակով ՀՀ ժամանող անձանց,
• ՀՀ Նախագահի, Ազգային ժողովի և Կառավարության կողմից աշխատանքի հրավիրված օտարերկրյա մասնագետների և նրանց ընտանիքի անդամներին,
• դիվանագիտական անձնագրերով ՀՀ մուտք գործող անձանց, ինչպես նաև ՀՀ-ում օտարերկրյա պետությունների դիվանագիտական ներկայացուցչությունների և հյուպատոսական հիմնարկների աշխատակիցներին ու նրանց ընտանիքի անդամներին,
• ՀՀ Նախագահի, Ազգային ժողովի նախագահի, սահմանադրական դատարանի նախագահի, վարչապետի կամ արտաքին գործերի նախարարի, մարդու իրավունքների պաշտպանի հրավերով Հայաստանի Հանրապետություն այցելող պաշտոնական անձանց և պատվիրակությունների անդամներին,
• ազգությամբ հայ այն օտարերկրյա քաղաքացիներին, որոնց մշտական բնակության օտարերկրյա պետությունում ստեղծվել է քաղաքացիների կյանքին կամ առողջությանը սպառնացող  արտակարգ իրավիճակ,
• փախստականի կարգավիճակ ստացած անձի` ՀՀ ժամանող մերձավոր ազգականներին։

Տրամադրման ժամկետը և կարգը 

Նոր ժամանակավոր կացության քարտը տրամադրվում է 5-10 օրում։ Այն ստանալու համար անհրաժեշտ է այցելել Վազգեն Սարգսյան 3 հասցեում գտնվող Հանրային ծառայությունների միասնական գրասենյակ։

Հղում օրենսդրությանը

«Օտարերկրացիների մասին» ՀՀ օրենք

«Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում։