Ծրագրին դիմելու համար պետք է այցելել հետևյալ բանկերից և վարկային կազմակերպություններից որևէ մեկը։

Ներկայացվող պահանջները

Աջակցության ծրագրից հնարավոր է օգտվել հետևյալ պահանջների բավարարման դեպքում․

• երիտասարդ ընտանիքում ամուսինների տարիքային հանրագումարը չի գերազանցում 70-ը,
• ամուսիններից առնվազն մեկը ՀՀ քաղաքացի է,
• երեխա ունեցող երիտասարդ միայնակ ծնողի տարիքը չի գերազանցում 35-ը (ներառյալ),
• երիտասարդը 18-ից 30 (ներառյալ) տարեկան ՀՀ քաղաքացի է,
• ամուսինների և հնարավոր համավարկառուների ընդհանուր ամսական զուտ եկամտի հանրագումարը չի գերազանցում է 800,000 ՀՀ դրամը։

Պահանջվող փաստաթղթերը

Ծրագրի շահառու (վարկառու) դառնալու համար անհրաժեշտ է ներկայացնել հետևյալ փաստաթղթերը․

• վարկառուի (համավարկառուի) անձը հաստատող փաստաթուղթ (անձնագիր, նույնականացման քարտ),

• վարկառուի ամուսնու անձը հաստատող փաստաթուղթը (անձնագիր, նույնականացման քարտ),

• վարկառուի և նրա ամուսնու ծննդյան վկայականները,

• վարկառուի և նրա ամուսնու սոցիալական քարտերը,

• վարկառուի ամուսնության վկայականը, երեխաների ծննդյան վկայականները (առկայության դեպքում):

Եթե վարկառուն վարձու աշխատող է, ապա ներկայացնում է՝

• եկամուտների մասին տեղեկանք գործատուից, որտեղ պետք է նշված լինի վարկառուի (համավարկառուի) զբաղեցրած պաշտոնը, աշխատանքային ստաժը և փաստացի եկամտի չափը (համախառն կամ զուտ),

• վարկառուի, նրա ամուսնու և համավարկառուի վերջին մեկ տարվա անհատական հաշվի քաղվածքներ (տրամադրվում է հարկային մարմնի կամ բանկի կողմից),

• տվյալներ նախկին զբաղվածության մասին (գործատուն, զբաղեցրած պաշտոնը, յուրաքանչյուր կազմակերպությունում աշխատանքի ստաժը (եթե դիմողի զբաղվածությունը տվյալ աշխատավայրում 12 ամսից պակաս է)),

• վարկառուի/համավարկառուի բանկային քարտի քաղվածքը, որտեղ նշված կլինի ամսական աշխատավարձի չափը (անհրաժեշտության դեպքում):
  
  

Եթե վարկառուն ինքնազբաղված է, ներկայացնում է․

• հարկ վճարողի հարկային համարը (ՀՎՀՀ),

• պետական գրանցման վկայականը,

• կանոնադրությունը (առկայության դեպքում),

• գործունեության տվյալ տեսակով զբաղվելու թույլտվության փաստաթղթերը, եթե օրենսդրության համաձայն տվյալ գործունեության համար անհրաժեշտ է համապատասխան մարմինների կողմից հատուկ թույլտվություն,

• վերջին 1 տարվա հարկային հաշվետվությունները՝ հաստատված հարկային մարմնի կողմից,

• վերջին 1 տարվա եկամուտների և ծախսերի վերաբերյալ տեղեկատվություն (անհրաժեշտության դեպքում),

• գործունեության հետ կապված այլ փաստաթղթեր (անհրաժեշտության դեպքում)։
  
  

Տեղեկություն վարկային պատմության մասին՝

• վարկառուի և նրա ամուսնու (համավարկառուի) վարկային պատմության վերաբերյալ ԱՔՌԱ վարկային բյուրոյի ամբողջական զեկույցներ:

Գույքային փաստաթղթեր՝

• գրավադրվող անշարժ գույքի սեփականության իրավունքի գրանցման վկայական,

• գրավադրվող անշարժ գույքի սեփականության իրավունքի գրանցման վկայականի հիմքեր (ըստ անհրաժեշտության),

• գրավադրվող անշարժ գույքի գծով սահմանափակումների միասնական տեղեկանք՝ տրված ՀՀ կադաստրի կոմիտեի կողմից,

• գրավադրվող անշարժ գույքի գնահատման հաշվետվություն:

Այլ փաստաթղթեր՝

• տեղեկանք ՀՀ կադաստրի կոմիտեի կողմից վարկառուին և նրա ամուսնուն սեփականության իրավունքով պատկանող անշարժ գույքերի վերաբերյալ,

• գրավադրվող անշարժ գույքի և վարկառուի (համավարկառուի)՝ դժբախտ պատահարից ապահովագրության վկայականներ,

• վարկի տրամադրման անդորրագիր կամ քաղվածք:

Վարկառուից կարող են պահանջվել նաև լրացուցիչ այլ փաստաթղթեր, որոնց ցանկը կարելի է ստանալ վարկը տրամադրող ֆինանսական կառույցից։

Աջակցության չափը

Ծրագրի շրջանակում հիպոթեքային վարկը տրամադրվում է՝

• առավելագույնը 7,5%-ով՝ առանց սուբսիդավորման առաջնային շուկայի համար,
• առավելագույնը 9,5% երկրորդային շուկայի համար, որից պետությունը սուբսիդավորում է Երևանում 2%-ով՝ առավելագույնը 7,5 տոկոսադրույքով, իսկ ՀՀ մարզերում՝ 4%-ով՝ առավելագույնը 5,5 տոկոսադրույքով։ 

Այս ծրագրով հիպոթեքային վարկի մարման նվազագույն ժամկետը 10 տարի է։

Տրամադրման ժամկետը և կարգը

Վարկի տրամադրման կամ մերժման որոշումը կայացվում է առավելագույնը 10 աշխատանքային օրվա ընթացքում՝ որոշումների կայացման համար պահանջվող փաստաթղթերը ամբողջությամբ ներկայացնելուց հետո:

Հղում օրենսդրությանը

ՀՀ կառավարության՝ 2010 թվականի հունվարի 29-ի N 98-Ն որոշում

Որոշումը հնարավոր է գտնել arlis.am-ում։