Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո (պայմանագրի կնքման ուղեցույց):

Պայմանագիրը կնքելու համար անհրաժեշտ է․

• այցելել ASWA.am,

• սեղմել «Կնքել ԱՊՊԱ պայմանագիր առցանց» կոճակը,

• բացվող պատուհանում մուտքագրել ավտոմեքենայիդ հաշվառման համարանիշը և անձը հաստատող փաստաթղթի համարը (իրավաբանական անձ լինելու դեպքում՝ ՀՎՀՀ-ն),

• սեղմել «Որոնում» կոճակը։

Այս գործողությունները կատարելուց հետո կբացվի պատուհան, որտեղ ներկայացված կլինեն դիմումատուի տվյալները։ Այս պատուհանում՝ 

• մուտքագրել էլեկտրոնային փոստի հասցեն և հեռախոսահամարը,

• էջի ներքևի աջ անկյունում նշել, թե ինչ նպատակով է շահագործվում ավտոմեքենան (անձնական, տաքսի, վարձակալություն կամ առևտրային),

• «Ներբեռնել փաստաթղթեր» բաժնում կցել անձը հաստատող փաստաթուղթը, ավտոմեքենայի տեխնիկական անձնագիրը և սեղմել «Հաստատել» կոճակը,

• սեղմել «Պահպանել և անցնել պայմանագրի էջ» կոճակը,

• բացվող էջում ընդհանուր տեղեկությունները ստուգելուց հետո ընտրել պայմանագրի տևողությունը։ Ի դեպ՝ պայմանագիրը հնարավոր է կնքել նվազագույնը 3 ամիս, առավելագույնը՝ 1 տարի ժամկետով։ Այս էջում կարելի է տեսնել նաև տեղեկություններ դիմումատուի Բոնուս-Մալուս դասի մասին,

• սեղմել «Պահպանել  և անցնել վճարման էջ» կոճակը,

• բացվող էջում հնարավոր է տեսնել ապահովագրական ընկերությունների կողմից առաջարկվող սակագները․ ընտրել հարմար տարբերակը և սեղմել «Պահպանել  և անցնել վկայագրի էջ» կոճակը։

Գործարքն ավարտելու համար անհրաժեշտ է․

• բացվող էջում ներկայացված վճարման պայմաններին ծանոթանալուց հետո սեղմել «Վճարել և հաստատել» կոճակը,

• լրացնել բանկային քարտի տվյալները և սեղմել «Վճարել» կոճակը։

Վճարումից հետո ԱՊՊԱ պայմանագիրը կուղարկվի դիմումատուի կողմից նշված էլեկտրոնային փոստի հասցեին։