Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Դիմում-հայտ ներկայացնելու համար անհրաժեշտ է․

• մուտք գործել dimord.emis.am համակարգ,
• ընտրել ուսումնական հաստատությունը և նախընտրած մասնագիտությունը,
• բացված պատուհանում կցուցադրվի նաև տեղեկատվություն վճարովի և անվճար տեղերի մասին, ինչպես նաև ընտրած մասնագիտության համար պահանջվու՞մ է քննություն, թե ոչ,
• հաստատել ընտրությունը՝ սեղմելով պատուհանի ներքևի աջ անկյունի «Հաստատել» կոճակը։ 
• հաստատելուց հետո բացված դիմում-հայտում լրացնել պահանջվող դաշտերն ու կցել անհրաժեշտ փաստաթղթերը։

Պահանջվող փաստաթղեր

• անձնագիր կամ նույնականացման քարտ կամ ծննդյան վկայական,
• հանրային ծառայությունների համարը (սոցիալական քարտ),
• կրթության վկայական/ատեստատ (հիմնական կամ միջնակարգ),
• լուսանկար։
  
  

Վճարման չափը

Միջին մասնագիտական ուսումնական հաստատություն հայտ ներկայացնելու համար անհրաժեշտ է 1,000 դրամ վճարել հայտագրման համակարգի գրանցման էջում նշված հաշվեհամարին և վճարման անդորրագիրը կցել նույն էջի համապատասխան դաշտում։

Տրամադրման ժամկետը և կարգը

Դիմում-հայտը հաստատելուց և ուղարկելուց հետո համակարգը կտրամադրի PIN կոդ, որով հետագայում դիմորդը կարող է մուտք գործել անձնական էջ, տեսնել դիմումի ընթացքը, հարկ եղած դեպքում խմբագրել տվյալները կամ չեղարկել հայտը։

Ուսումնական հաստատությունը կհաստատի կամ կչեղարկի դիմում-հայտը դիմումից հետո 3 աշխատանքային օրվա ընթացքում՝ նշելով պատճառը, որն էլ դիմորդը կարող է տեսնել անձնական էջում։ Եթե ընտրած մասնագիտության համար նախատեսված է քննություն, ապա անձնական էջում ցուցադրվում է նաև քննության օրվա և ժամի մասին հաստատության կողմից ուղարկված տեղեկատվությունը։

Հղում օրենսդրությանը

ՀՀ կառավարության՝ 2012 թվականի ապրիլի 5-ի N 245-Ն հրաման

Հրամանը հնարավոր է գտնել arlis.am-ում։