• ապահովել պայմաններ միջնակարգ կրթություն ստանալու համար բոլոր այն երեխաների համար, որոնց բնակավայրում առկա չէ տվյալ կրթական աստիճանում ծառայություններ տրամադրող ուսումնական հաստատություն, 
• ապահովել այն մանկավարժների տրանսպորտային ծառայության փոխհատուցումը, որոնք տվյալ բնակավայրի բնակիչ չեն, և առանց նրանց ներգրավվածության՝ տվյալ առարկաների դասավանդումը չի կարող իրականացվել։
  
  

Ներկայացվող պահանջները

Փոխհատուցումը տրվում է ՀՀ մարզերում գտնվող ուսումնական հաստատությունների այն ուսուցիչներին, զինղեկերին, ուսուցչի օգնականներին և հատուկ մանկավարժներին, ովքեր․

• աշխատում են իրենց բնակավայրից տարբեր վայրում,
• այդ վայրը գտնվում է իրենց բնակավայրից 5 կմ-ից ավելի հեռու,
• ունեն առնվազն 0.5 հաստիքային դրույք։
  
  

Փոխհատուցումը տրվում է դպրոցահասակ երեխաների, ովքեր՝

• հաճախում են այլ բնակավայրի դպրոց, քանի որ իրենց բնակավայրում չկա համապատասխան դպրոց,
• կամ իրենց բնակավայրի դպրոցում չկա անհրաժեշտ կրթական ծրագիր (օրինակ՝ լեզվային առանձնահատկություններով կամ հոսքային ուղղվածությամբ)։
  
  

Բացառություն

Փոխհատուցում չի տրամադրվում այն հաստատություններին, որոնք՝

• ունեն սեփական տրանսպորտային միջոցներ աշակերտների և/կամ մանկավարժների տեղափոխման համար,
• արդեն ստանում են պետական բյուջեից փոխհատուցում վառելիքի, վարորդի աշխատավարձի կամ այլ տրանսպորտային ծախսերի համար։

Պահանջվող տեղեկատվությունը

Աջակցության ծրագրին դիմելու համար ուսումնական հաստատությունները մինչև սեպտեմբերի 20-ը՝ տվյալ տարվա ընթացքում մարզպետարաններ պետք է ներկայացնեն փոխհատուցում ստացող անձանց մասին ճշտված տեղեկատվություն․

• աշակերտի և մանկավարժի անունը, ազգանունը,
• աշակերտի դասարանը,
• ուսուցչի դրույքը,
• աշակերտի և ուսուցչի փաստացի բնակության վայրը,
• հեռավորությունը հաստատությունից (կմ)
• հաշվարկված գումարը (հաշվարկված 2 ուղղությամբ` յուրաքանչյուր ներկա ստացած օրվա համար),
• ուսումնական պլանով հաստատված օրերի թիվը,
• դասավանդման օրերի քանակը,
• փոխհատուցման ենթակա գումարը
• և այլ նշումներ (անհրաժեշտության դեպքում)։
  
  

Աջակցության չափը

Մանկավարժների և աշակերտների տրանսպորտային ծախսերի ամսական փոխհատուցման առավելագույն չափը յուրաքանչյուրի համար չի կարող գերազանցել 20,200 ՀՀ դրամը։

Տրամադրման կարգը և ժամկետը

• Մարզպետարանները 5 օրվա ընթացքում ամփոփում և ուղարկում են ուսումնական հաստատության կողմից տրամադրված տեղակատվությունը ՀՀ կրթության, գիտության, մշակույթի և սպորտի նախարարություն։
• Նախարարության հանրակրթության վարչությունը 1 շաբաթվա ընթացքում ուսումնասիրում է տվյալները և ներկայացնում վերջնական ցուցակները ֆինանսաբյուջետային բաժին։
• Ֆինանսաբյուջետային վարչությունն ուսումնասիրում է ցուցակները։ Եթե առարկություններ չկան, նախապատրաստում է պայմանագրերը։ Եթե կան առարկություններ, ապա նախարարության ենթակա հաստատությունները 3 օրվա ընթացքում մշակում են ցուցակները և կրկին հանձնում մարզպետարաններին։
• Փոխհատուցումը տրամադրում են ՀՀ մարզպետարանները՝ եռամսյակային կտրվածքով։
  
  

Հղում օրենսդրությանը

ՀՀ ԿԳՄՍ նախարարի 2020 թվականի դեկտեմբերի 21-ի N 47-Ն հրաման

Հրամանը հնարավոր է գտնել arlis.am-ում։