Պահանջվող փաստաթղթերը

Մինչև 18 տարեկան անձանց բուժօգնություն ստանալու համար անհրաժեշտ է ներկայացնել․

• անձը հաստատող փաստաթուղթ կամ ծննդյան վկայական,
• տեղամասային բժշկի կողմից տրված ուղեգիրը, իսկ անհետաձգելի դեպքերում` շտապ բժշկական օգնության ծառայության կողմից տրված ուղեգիրը կամ բժշկական կազմակերպության ընդունարանի (հերթապահ) բժշկի եզրակացությունը։

Տրամադրման կարգը 

Աջակցությունը (այդ թվում` վերականգնողական բժշկական օգնությունը և սպասարկումը) տրամադրվում է․

• հիվանդանոցային պայմաններում բուժում պահանջող դեպքերում,
• վարակիչ hիվանդությունների դեպքում, որը ներառում է տուբերկուլոզով հիվանդների հիվանդանոցային պայմաններում բժշկական օգնությունը և սպասարկումը` հակատուբերկուլոզային դիսպանսերներում (կենտրոններում), վարակիչ, այդ թվում աղիքային հիվանդությունների բժշկական օգնությունը և սպասարկումը՝ մանկական ինֆեկցիոն տեսակի լիցենզիա ունեցող հիվանադնոցներում,
• սեռական ճանապարհով փոխանցվող և մաշկային հիվանդությունների բժշկական օգնությունը և սպասարկումը բուժօգնության տվյալ գծով պետական պատվերով,
• չարորակ նորագոյացությունների (այդ թվում օնկոհեմատոլոգիական հիվանդությունների) բժշկական օգնությունը և սպասարկումը, ախտորոշման ճշտման նպատակով մասնագիտական խորհրդատվությունը և հետազոտումը` մասնագիտացված կենտրոններում,
• հոգեկան խանգարումների բուժումը և մասնագիտական խնամքը՝ բժշկական օգնության և սպասարկման տվյալ տեսակի մասով լիցենզիա և պայմանագիր ունեցող բժշկական կազմակերպությունների մանկական հոգեբուժական բաժանմունքներում,
• նորածինների բժշկական օգնության և խնամքի կազմակերպումը, 
• պերիտոնեալ և հեմոդիալիզային բժշկական օգնության և սպասարկման կազմակերպումն ու իրականացումը՝ այդ գծով պետական պատվեր ունեցող հիվանդանոցներում։ 

Պլանային դեպքերում պացիենտը բժշկական կազմակերպություն է դիմում իր բժշկի ուղեգրմամբ։

Անհետաձգելի բժշկական օգնություն պահանջող դեպքերում պացիենտները բժշկական հաստատություն են ընդունվում շտապօգնության ծառայության միջոցով:  

Անհետաձգելի բժշկական օգնություն պահանջող դեպքերում, եթե նրանք սեփական կամ հարազատների նախաձեռնությամբ են ընդունվում հիվանդանոց, բժշկական օգնությունը և սպասարկումը կազմակերպվում է տվյալ հիվանդանոցի ընդունարանի հերթապահ բժշկի եզրակացության հիման վրա:

• ՀՀ Կառավարության՝ 2004 թվականի մարտի 4-ի N 318-Ն որոշում
• ՀՀ առողջապահության նախարարի՝ 2023 թվականի հոկտեմբերի 17-ի N 48-Ն հրաման

Օրենսդրական ակտերը հնարավոր է գտնել arlis.am-ում։