Բջջային հավելվածի միջոցով պատահարը գրանցելու համար անհրաժեշտ է՝ 

• բացել ASWA հավելվածը,

• լրացնել համաձայնեցված հայտարարագիրը:

Հայտարարագիրը լրացնելիս անհրաժեշտ է նշել հետևյալ տեղեկատվությունը՝

• պատահարի վերաբերյալ ընդհանուր տվյալներ,
• պատահարի մասնակիցների և նրանց կողմից վարած ավտոտրանսպորտային միջոցների վերաբերյալ տվյալներ,
• ավտոտրանսպորտային միջոցների փոխադարձ դիրքերի և հասցված վնասների վերաբերյալ տվյալներ։

որից հետո անհրաժեշտ է՝

• ստորագրել հայտարարագիրը

• սեղմել «Գրանցել պատահար» կոճակը,

• նշել պատահարի ամսաթիվը և տեղի ունենալու վայրը, 

• հետևել նշված քայլերին և կցել պատահարի լուսանկարները։
  
  

Եթե վերը նշված պայմանները կիրառելի չեն, պատահարը կարելի է գրանցել ֆիզիկապես։

Պատահարը համաձայնեցված հայտարարագրի միջոցով՝ բջջային հավելվածով գրանցվում է, եթե՝

• տեղի ունեցած պատահարում ներգրավված է երկու ավտոմեքենա,

• դրանցից առնվազն մեկը պատահարի դրությամբ ունի գործող ԱՊՊԱ պայմանագիր,

• վնաս է պատճառվել միայն մասնակից ավտոմեքենաներին,

• մասնակից վարորդներից մեկը ընդունում է իր մեղավորությունը,

• տուժողի կողմից ակնկալվող վնասի հատուցման չափը չի գերազանցում 100,000 ՀՀ դրամը մարզերում, իսկ Երևանում՝ 400,000 ՀՀ դրամը։

Համաձայնեցված հայտարարագրով կարգավորվող վթարներից բացի` մնացած բոլոր ավտովթարները գրանցվում են միայն ՃՈ-ի, իսկ Երևան քաղաքում՝ պարեկային ծառայության կողմից:

Նման դեպքերում անհրաժեշտ է՝

• վթարից անմիջապես հետո ավտովթարի վայր հրավիրեն ՃՈ-ին, իսկ Երևան քաղաքում՝ պարեկային ծառայությանը,
• մինչև համապատասխան մարմինների ժամանումը չտեղաշարժեն ավտոմեքենաները և միջոցներ ձեռնարկեն ավտոմեքենաների հետքերն ու առարկաները պահպանելու ուղղությամբ,
• վթարը տեղի ունենալուց հետո առավելագույնը 40 րոպեի ընթացքում հեռախոսով տեղեկացնեն իրենց ապահովագրական ընկերություններին՝ առանց վերջինին սպասելու պարտավորության:
• մասնակցեն ՃՈ-ի, իսկ Երևան քաղաքում՝ պարեկային ծառայության կողմից սահմանված կարգի փաստաթղթերը կազմելու գործընթացին՝ դրանցում ներկայացնելով իրենց վերաբերող պատասխանները։