Էլեկտրաէներգիայի, բնական գազի, ոռոգման ջրի և անշարժ գույքի հարկի փոխհատուցումների համար դիմում ներկայացնելու անհրաժեշտություն չկա, քանի որ բնակիչ-բաժանորդների, իրավաբանական և ֆիզիկական անձանց ցուցակները տրամադրվում են համապատասխան կազմակերպությունների («ՀԷՑ» ՓԲԸ, «ԳազպրոմԱրմենիա» ՓԲԸ, ջրօգտագործող ընկերություններ և համայնքապետարաններ) կողմից։

Ծրագրի մասին

Աջակցությունը տրամադրվում է հետևյալ ցանկով սահմանված բնակավայրերի բնակիչներին։

Ներկայացվող պահանջները

Ծրագրի շահառու լինելու համար անհրաժեշտ է լինել սահմանված ցանկում ընդգրկված սահմանամերձ բնակավայրերի բնակիչ։ 

Աջակցության չափը

Էլեկտրաէներգիա

Բնակիչները վճարում են 50%՝ տարեկան մինչև 1,440 կՎտ/ժ սպառման համար:

Բնական գազ

Բնակիչները վճարում են 50%՝ տարեկան մինչև 360 խորանարդ մետր սպառման համար:

Այն բնակիչները, ովքեր գազ չեն սպառում և էլեկտրաէներգիա են օգտագործում, ամսական ստանում են 15 խորանարդ մետր գազին համարժեք գումար (տարեկան մինչև 180 խորանարդ մետր):

Ոռոգման ջուր

Սահմանամերձ բնակավայրերում ջրի սպառման համար բնակիչներին տրվում է 50% փոխհատուցում:

Անշարժ գույքի հարկ

Սահմանամերձ համայնքներում գտնվող, պատերազմի պատճառով չօգտագործվող կամ գնդակոծված հողերի հարկը վճարում է կառավարությունը: