Շրջանառության հարկի հաշվետվություն ներկայացնելու համար անհրաժեշտ է «Շարունակել» կոճակը սեղմելուց հետո՝ 

• գրանցվել համակարգում՝ անցնելով «Ներկայացնել հայտ» հղմամբ,

• լրացված էլեկտրոնային հասցեին կուղարկվի գրանցման հղում, որով անցնելուց հետո անհրաժեշտ է ստեղծել օգտանուն և գաղտնաբառ,

• գրանցվելուց հետո մուտք գործել համակարգ,

• ընտրել «Հաշվետվություններ» բաժինը, որտեղ տեղադրված են հաշվետվությունների ու հայտարարությունների տեսակները,

• ընտրել «Շրջանառության հարկի հաշվարկ» թիվ 232 ձևը,

• նշել, թե որ տարվա որ եռամսյակի համար է ներկայացվում հաշվետվությունը,

• համապատասխան դաշտերում լրացնել եռամսյակի ընթացքում ստացած եկամուտների կամ կատարած ծախսերի չափերը,

• ներկայացնել հսկիչ դրամարկղային մեքենայով (ՀԴՄ) իրականացված գործարքների մասին տվյալները՝ ՀԴՄ-ի գրանցման համարը և եռամսյակի կտրվածքով կատարված դրամական հաշվարկների հանրագումարը,

• լրացնել եկամուտները՝ ըստ գործունեության տեսակների։
  
  Գործունեության տեսակը (կոդ) անհրաժեշտ է լրացնել Տնտեսական գործունեության տեսակների դասակարգչին համապատասխան։ Օրինակ՝ «Հաշվապահական դասընթացներ» գործունեության տեսակին համընկնում է P85.59.1 կոդը։ Այս դեպքում բաժին դաշտում անհրաժեշտ է լրացնել «P» տառը (մեծատառ), հատված դաշտերում՝ «8» և «5» թվանշանները, խումբ դաշտում՝ «5» թվանշանը, դաս դաշտում՝ «9» թվանշանը, իսկ ենթադաս դաշտում՝ «1» թվանշանը։ 
  
  Տեսակարար կշիռ դաշտում անհրաժեշտ է լրացնել, թե գործունեության տվյալ տեսակից (օրինակ՝ հաշվապահական դասընթացներից) ստացված եկամուտը կազմակերպության համախառն (ընդհանուր) եկամտի որ տոկոսն է կազմում։

• Պահանջվող տվյալները լրացնելուց հետո անհրաժեշտ է սեղմել «Գրանցել» կոճակը, ինչից հետո հաշվետվությունը կհայտնվի «Լրացված  հաշվետվություններ» բաժնում։

• Այնուհետև անհրաժեշտ է ներբեռնել լրացված հաշվետվությունը, ստորագրել թվային ստորագրությամբ, վերբեռնել համակարգ և հանձնել։  

Ներկայացվող պահանջները

Շրջանառության հարկի հաշվետվություն (հաշվարկ) ներկայացնելու համար անհրաժեշտ է ունենալ՝ 

• թվային ստորագրություն,
• նույնականացման քարտ, 
• նույնականացման քարտ կարդացող սարք։

Համակարգից օգտվելիս դժվարություններ առաջանալու դեպքում կարելի է այցելել «Ինչպե՞ս օգտվել համակարգից» էջ։