Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։
 

Առցանց դիմում ներկայացնելու համար անհրաժեշտ է՝

• այցելել online.ssa.am,

• լրացնել անհրաժեշտ տվյալները,

• սեղմել «Գրանցվել» կոճակը,

• այցելել «Կենսաթոշակի և նպաստների առցանց դիմումներ» բաժին,

• ընտրել «Մուտքագրել 3-րդ և հաջորդ երեխայի դրամական աջակցության դիմում» ենթաբաժինը,

• լրացնել անհրաժեշտ տվյալները,

• սեղմել «Ստեղծել» կոճակը։
  
  

Գրանցման ընթացքում դիմումատուի կողմից նշված էլեկտրոնային փոստի հասցեին կուղարկվի գրանցումը հաստատող հաղորդագրություն։

Դիմումի գործընթացն ավարտելու համար անհրաժեշտ է՝

• բացել գրանցումը հաստատող հաղորդագրությունը և անցնել հղումով,
• մուտք գործել անձնական էջ՝ մուտքագրելով էլեկտրոնային փոստի հասցեն և գաղտնաբառը,
• բացվող պատուհանում լրացնել անհրաժեշտ տվյալները,
• «Վճարող կազմակերպություններ» դաշտում ընտրել այն բանկը, ուր ցանկալի է այցելել նպաստը ստանալու համար,
• սեղմել «Ուղարկել» կոճակը։
  
  

Դիմումը ուղարկելուց հետո էլեկտրոնային փոստին կուղարկվի հաղորդագրություն դիմումի հաստատման կամ մերժման մասին։ 

Ներկայացվող պահանջները

Երրորդ և հաջորդ երեխաների ամսական նպաստը տրամադրվում է, եթե

• աջակցության համար դիմող երեխայի ծնողը ՀՀ քաղաքացի է,
• դիմելու օրվա դրությամբ ծնողը և նոր ծնված երեխան գտնվում են Հայաստանի Հանրապետությունում,
• դիմելու օրվա դրությամբ ծնողը, նոր ծնված երեխան և երեխայի կարգաթիվը որոշելու համար հաշվի առնված երեխաները հաշվառված են ՀՀ բնակության վայրի հասցեով և երեխաները չեն գտնվում բնակչության սոցիալական պաշտպանության հաստատություններում։
  
  

Պահանջվող փաստաթղթերը

Նպաստը ստանալու համար անհրաժեշտ է ներկայացնել դիմում։

Ըստ անհրաժեշտության՝ պետք է ներկայացնել նաև՝ 

• երեխայի կարգաթիվը որոշելու համար հաշվի առնվող երեխայի (երեխաների) ծննդյան վկայականը, եթե ծնունդի պետական գրանցումը կատարվել է այլ երկրում,

• շահառու երեխայի կամ նրա կարգաթիվը որոշելու համար հաշվի առնվող երեխայի ծնողի` դրամական աջակցության իրավունքը հաստատող փաստաթուղթ, եթե շահառու երեխայի ծնողների ամուսնությունը գրանցված չէ քաղաքացիական կացության ակտերի գրանցման մարմիններում, կամ ամուսնությունը գրանցված է շահառու երեխայի ծնվելու օրը կամ դրանից հետո։
  
  

Աջակցության չափը

Երրորդ և հաջորդ երեխաների ամսական նպաստը կազմում է 50,000 դրամ մինչև երեխայի 6 տարեկան դառնալը։

Տրամադրման ժամկետը և կարգը

Դիմումը ստանալուց հետո 10 աշխատանքային օրվա ընթացքում կայացվում է որոշում դիմումը մերժելու կամ աջակցություն նշանակելու մասին։ Դիմումի հաստատումից հետո 10 աշխատանքային օրվա ընթացքում անձը հաստատող փաստաթղթով անհրաժեշտ է այցելել բանկ առաջին ամսվա նպաստը առձեռն ստանալու համար։ Երկրորդ և հաջորդ ամիսների նպաստները տրամադրվում են դիմողի բանկային հաշվեհամարին փոխանցման միջոցով։

Հղում օրենսդրությանը

«Պետական նպաստների մասին» ՀՀ օրենք

Օրենքը հնարավոր է գտնել Arlis.am-ում։