This service is only available offline, we are working on an online version
Շինարարական թույլտվության հիման վրա սկսված աշխատանքների մասին տեղեկացնելու համար պետք է դիմել տվյալ համայնքի համայնքապետարան։
Ներկայացվող պահանջները
Շինարարական աշխատանքների սկսելու մասին տեղեկանքը ստանալու համար անհրաժեշտ է ունենալ․
- պետական գրանցում ստացած հողատարածք կամ անշարժ գույք և դրա սեփականության իրավունքի վկայականը,
- շինարարական աշխատանքների թույլտվեություն։
Պահանջվող փաստաթղթերը
- լրացված տեղեկանքը (տեղեկանքի ձևը տրամադրվում է համայնքապետարանի կողմից),
- դիմողի անձը հաստատող փաստաթուղթը (իրավաբանական անձի դեպքում՝ պետական ռեգիստրի գրանցման վկայականի պատճենը), իսկ որպես օրինական ներկայացուցիչ հանդես գալու դեպքում՝ նաև համապատասխան լիազորագիրը,
- կառուցապատողի կողմից հաստատված նախագծային փաստաթղթերը,
- փորձաքննության դրական եզրակացությունը, իսկ սահմանված դեպքերում՝ նախագծային փաստաթղթերը մշակող կապալառուի գրավոր երաշխավորագիրը։
Տրամադրման կարգը և ժամկետը
- Տեղեկանքը ներկայացնելուց հետո մինչև 5 աշխատանքային օրվա ընթացքում այն ընդունվում է ի գիտություն համայնքապետարանի կողմից։
- Եթե հաստատված ընթացակարգով սահմանված ժամկետներում չի ներկայացվում տեղեկանքը, ապա դա հիմք է՝ տրված շինարարության թույլտվության գործողությունը համայնքապետարանի կողմից ժամանակավորապես կասեցնելու համար:
Հղում օրենսդրությանը
ՀՀ կառավարության՝ 2015 թվականի մարտի 19-ի N 596-Ն որոշում
Որոշումը հնարավոր է գտնել arlis.am-ում։
This service can also be utilized through other available methods.
Using different methods might take more time or cost more money.
Service provided by
ՀՀ մարզպետարաններ և համայնքապետարաններ