This site is new, your feedback will help us improve it.
Դիմել ԼՂ-ից բռնի տեղահանված ուսանողների վարձավճարի աջակցության ծրագրին
Ծրագրի շահառու կարող են դառնալ 2023 թվականի սեպտեմբերի 19-ից ԼՂ-ից բռնի տեղահանված ընտանիքների՝ ուսումնական հաստատություններում հրամանագրված և ըստ համապատասխան կրթական աստիճանների կամ ծրագրերի՝ վճարովի համակարգում ընդգրկված սովորողները։
Ծրագրի մասին
Ծրագրի շրջանակում ուսման վարձի փոխհատուցում է տրամադրվում Լեռնային Ղարաբաղի՝ ՀՀ պետական ուսումնական հաստատությունների վճարովի համակարգում մինչև 2023 թվականի սեպտեմբերի 19 ընդգրկված սովորողներին։
Ներկայացվող պահանջները
Ծրագրի շահառու կարող են դառնալ 2023 թվականի սեպտեմբերի 19-ից բռնի տեղահանված ընտանիքների՝ ՀՀ նախնական (արհեստագործական), միջին, բարձրագույն և հետբուհական մասնագիտական կրթական ծրագրեր իրականացնող ուսումնական հաստատություններում 2023 թվականի սեպտեմբերի 19-ի դրությամբ սահմանված կարգով հրամանագրված և ըստ համապատասխան կրթական աստիճանների կամ ծրագրերի վճարովի համակարգում ընդգրկված սովորողները։
Պահանջվող տեղեկություններ
Ուսման վարձավճարի փոխհատուցում ստանալու համար անհարժեշտ է ներկայացնել․
- սովորողի նույնականացման տվյալները,
- կրթական աստիճանը, մասնագիտությունը (կրթական ծրագիրը), կուրսը, ուսուցման ձևը, միջին որակական գնահատականի չափը, առաջադիմության վերաբերյալ տեղեկությունը,
- կիսամյակի ուսման վարձի չափը,
- կարգավիճակը։
Տրամադրման ժամկետը և կարգը
- Դիմումը ներկայացնելուց հետո պետական ուսումնական հաստատությունը կազմում և ՀՀ կրթության, գիտության, մշակույթի և սպորտի նախարարությանն է տրամադրում կրթաթոշակի շահառուների անվանացանկը՝ նշելով վերջիններիս տվյալները։
- Նախարարությունը ստուգում է անվանացանկերը, ճշգրտում Միասնական սոցիալական ծառայության գրանցամատյանների հետ։
- Ճշգրտված անվանացանկերի հիման վրա անհրաժեշտ ֆինանսական միջոցները փոխանցվում են ուսումնական հաստատության հաշվին:
- Ուսանողը և պետական ուսումնական հաստատությունը կնքում են պայմանագիր՝ ուսման վարձի փոխհատուցման գումարները վճարելու հետ կապված գործողություններ իրականացնելու նպատակով։
Հղում օրենսդրությանը
ՀՀ Կառավարության՝ 2023 թվականի դեկտեմբերի 21 N 2291-Լ որոշում։
Որոշումը հնարավոր է գտնել arlis.am-ում։
(+374) 010 59-96-00
(+374) 010 52-73-43
(+374) 010 59-96-00
(+374) 010 52-73-43