Սրտի անհետաձգելի վիրահատության ծառայությունից օգտվելու համար անհրաժեշտ է շտապօգնության ծառայության միջոցով կամ սեփական նախաձեռնությամբ մոտենալ հետևյալ բուժհաստատություններից մեկը․

Երևանում՝ 

• «Աստղիկ» (Երևան, Դանիել Վարուժան 28/1, հեռախոսահամար՝ +374 11 66 77 88),
• «Արամյանց» (Երևան, Ձորափի 40, հեռախոսահամար՝ +374 11 70 73 33),
• «Սուրբ Գրիգոր Լուսավորիչ» (Երևան, Գյուրջյան 10, հեռախոսահամար՝ +374 11 60 00 03),
• «Նորք Մարաշ» (Երևան, Ա․Արմենակյան 108/4, հեռախոսահամար՝ +374 10 65 59 30),
• «Էրեբունի» (Երևան, Տիտոգրադյան 14, հեռախոսահամար՝ +374 10 47 11 10),
• «Բեսթ Լայֆ» (Երևան, Ֆանարջյան 55, հեռախոսահամար՝ +374 10 20 11 33),
• «Շենգավիթ» (Երևան, Մանանդյան 9, հեռախոսահամար՝ +374 11 56 05 60)
• «Արմենիա» հանրապետական (Երևան, Մարգարյան 6, հեռախոսահամար՝ +374 10 31 81 90),
• «Հերացի» թիվ 1 հիվանդանոցային համալիր (Երևան, Աբովյան 60, հեռախոսահամար՝ +374 10 58 22 44, 378)։

ՀՀ մարզերում`

• Վանաձոր ԲԿ (Լոռու մարզ, քաղաք Վանաձոր, Գարեգին Նժդեհի 2/42),
• Գյումրի ԲԿ (Շիրակի մարզ, քաղաք Գյումրի, Գարեգին Նժդեհի 3/3),
• Գորիսի Ֆրանս-հայկական սրտանոթային կենտրոն (Սյունիքի մարզ, գյուղ Ակներ, Խաղաղության 15/1):
  
  

Ծրագրի մասին

Աջակցության այս տեսակը ՀՀ ողջ բնակչությանը տրամադրվում է պետության կողմից երաշխավորված անվճար և համավճարով (արտոնյալ պայմաններով) տրամադրվող ժշկական օգնություն և սպասարկում։   

Ներկայացվող պահանջները

Ծրագրից կարող են օգտվել այն ՀՀ քաղաքացիները, որոնց մոտ առկա են՝ 

• սրտամկանի սուր ինֆարկտ ST էլևացիա ախտորոշում,
• սրտամկանի սուր ինֆարկտ առանց ST-էլևացիայի ախտորոշում, երբ առկա է տրոպոնինի > 1,000 նգ/լ ցուցանիշ և սրտամկանի ինֆարկտ-պատասխանատու գոտևորող կորոնար զարկերակի կամ նրա մարգինալ ճյուղերից մեկի թրոմբոզ կամ նշանակալի անկայուն նեղացում, 
• կարդիոգեն շոկով բարդացած սրտամկանի սուր ինֆարկտներ։

Տրամադրման կարգն ու ժամկետը 

Սրտի անհետաձգելի վիրահատությունների կազմակերպումն իրականացվում է իշեմիայի ախտանիշների կլինիկական դրսևորումից 12 ժամվա ընթացքում` ներառյալ ախտորոշումը ճշտելու և պացիենտին բժշկական հաստատություն տեղափոխելու ժամանակահատվածը: