Ավտոմեքենայի տեխնիկական զննության ժամկետը ստուգելու համար անհրաժեշտ է․

• այցելել inspect.am,

• լրացնել ավտոմեքենայի հաշվառման համարանիշը և հաշվառման վկայագրի համարը,

• սեղմել «Որոնել» կոճակը։

Էջի ներքևում կհայտնվի պատուհան, որտեղ նշված կլինի ավտոմեքենայի տեխնիկական զննության ժամկետի ավարտը։

Իսկ վճարումներ բաժնում սեղմելով «i» կոճակի վրա՝ հնարավոր է տեսնել այն հարկերն ու վճարները, որոնք անհրաժեշտ է վճարել հերթական տեխզննման ժամանակ կամ նախքան տեխզննումը։

Էջի վերևի աջ անկյունում հնարավոր է գտնել նաև տեղեկություններ ՀՀ-ում գործող տեխնիկական զննության կայանների վերաբերյալ։ Կայանների գտնվելու վայրերը կարելի է փնտրել նաև այստեղ

Հարթակը թույլ է տալիս նաև կատարել անհրաժեշտ վճարումները՝ ուղղորդելով onepay.am կայք։ 

Տեխնիկական զննության համար վճարելու նպատակով կայքում անհրաժեշտ է՝ 

• ընտրել «Տեխզննում» դաշտը,

• լրացնել ավտոմեքենայի տեխնիկական անձնագրի համարը,

• ընտրել տեխզննման կայանը,

• սեղմել «Վճարել» կոճակը։

Գույքահարկը վճարելու նպատակով կայքում անհրաժեշտ է՝ 

• ընտրել «Գույքահարկ» դաշտը,

• լրացնել անհրաժեշտ տվյալները,

• կատարել վճարում։