Թողարկման և վարկանիշավորման պետական աջակցության ծրագրին դիմելու համար անհրաժեշտ է էլեկտրոնային նամակ ուղարկել ՀՀ էկոնոմիկայի նախարարության [email protected] էլեկտրոնային փոստի հասցեին՝ կցելով դիմումն ու պահանջվող փաստաթղթերը։ Անհրաժեշտ է նաև ուղարկել ծրագրին դիմելու վերաբերյալ պաշտոնական գրություն՝ ուղղված Էկոնոմիկայի նախարարին։

Ներկայացվող պահանջները

Աջակցությունից օգտվելու համար պետք է լինել ՀՀ-ում գրանցված և գործող կազմակերպություն։

Պարտատոմսերի թողարկման, տեղաբաշխման և ՀՀ ֆոնդային բորսայում ցուցակման համար աջակցությունից կարող են օգտվել այն կազմակերպությունները, որոնց թողարկած պարտատոմսերը՝

• դրամական են,
• առնվազն 36 ամիս շրջանառության ժամկետով են,
• տեղաբաշխվել են հրապարակային առաջարկի միջոցով,
• թողարկումից հետո ունեն շուկա ստեղծող։

Բաժնետոմսերի թողարկման, տեղաբաշխման և ՀՀ ֆոնդային բորսայում ցուցակման համար աջակցությունից կարող են օգտվել այն կազմակերպությունները, որոնց թողարկած բաժնետոմսերը՝

• տեղաբաշխվել են հրապարակային առաջարկի միջոցով։

Վարկանիշավորման և սպասարկման առաջին 12 ամիսների ծախսերի փոխհատուցում ստանալու համար կարող են դիմել այն կազմակերպությունները, որոնք՝

• «Ֆիթչ», «Մուդիզ», «Ստանդարտ ընդ Փուրզ» կամ «Սքոփ Ռեյթինգզ» միջազգային վարկանիշային գործակալություններից որևէ մեկից ստացել են ոչ պակաս, քան պետության սուվերեն վարկանիշից 2 նիշ ցածր միջազգային վարկանիշ։

Աջակցությունից չեն կարող օգտվել

Պարտատոմսերի թողարկման, տեղաբաշխման, ՀՀ ֆոնդային բորսայում ցուցակման և վարկանիշավորման դեպքում՝

• ՀՀ կենտրոնական բանկի կողմից լիցենզավորված ֆինանսական ընկերությունները (բանկեր, վարկային կազմակերպություններ),
• հանրային ծառայությունների ոլորտում կարգավորվող գործունեություն իրականացնող կազմակերպությունները (էներգետիկայի, հեռահաղորդակցության, ջրային և այլ ոլորտներ),
• ընդերքօգտագործում իրականացնող կազմակերպությունները։

Բաժնետոմսերի թողարկման, տեղաբաշխման և ՀՀ ֆոնդային բորսայում ցուցակման դեպքում՝

• ՀՀ կենտրոնական բանկի կողմից լիցենզավորված ֆինանսական ընկերությունները (բանկեր, վարկային կազմակերպություններ)։

Աջակցության չափը

Պարտատոմսերի թողարկման, տեղաբաշխման և ՀՀ ֆոնդային բորսայում ցուցակման համար՝

• առավելագույնը 30 մլն դրամ՝ տեղաբաշխման անվանական արժեքի 2%-ի չափով միանվագ աջակցություն պարտատոմսերի թողարկման, տեղաբաշխման և ՀՀ բորսայում ցուցակման գործընթացի ավարտից հետո, 
• առավելագույնը 45 մլն դրամ՝ տեղաբաշխման անվանական արժեքի 3%-ի չափով տարեկան աջակցություն պարտատոմսի շրջանառության 3 տարիների համար։

Բաժնետոմսերի թողարկման, տեղաբաշխման և ՀՀ ֆոնդային բորսայում ցուցակման համար՝

• առավելագույնը 50 մլն դրամ՝ կատարված ծախսերի 80%-ի չափով աջակցություն, եթե այդ ծախսերը (աուդիտ, թողարկման, տեղաբաշխման և ՀՀ բորսայում ցուցակման հետ կապված բանկային և բորսայական ծառայությունների ծախսեր) հիմնավորված են համապատասխան փաստաթղթերով։

Վարկանիշավորման և սպասարկման առաջին տարվա ծախսերի փոխհատուցման համար՝

• վարկանիշի ստացման և սպասարկման առաջին տարվա ծախսերի փոխհատուցում 50%-ի չափով։

Առաջին տարվա ծախսերի փոխհատուցումը կկազմի 80%, եթե կազմակերպությունը վարկանիշ ստանալուց հետո 18 ամիսների ընթացքում թողարկի, տեղաբաշխի և ՀՀ ֆոնդային բորսայում ցուցակի պարտատոմսեր կամ բաժնետոմսեր։

Պահանջվող փաստաթղթերը

Ծրագրին դիմելու համար անհրաժեշտ է Էկոնոմիկայի նախարարության [email protected] էլեկտրոնային փոստի հասցեին ուղարկել Էկոնոմիկայի նախարարին ուղղված պաշտոնական գրություն՝ կցելով դիմումը և ստորև թվարկված փաստաթղթերը։

• հայտ, որի բոլոր էջերը պետք է ստորագրված լինեն, և այն պետք է պարունակի հետևյալ տեղեկությունները՝
• հայտատուի անվանումը,
• հայտատուի գործունեության հասցեն,
• հայտատուի հեռախոսահամարը և էլեկտրոնային փոստը,
• հայտատուի հարկ վճարողի հաշվառման համարը,
• հայտատուի գործադիր մարմնի ղեկավարի անունը, ազգանունը և պաշտոնը,
• թողարկված պարտատոմսերի կամ բաժնետոմսերի տեսակը և դասը,
• թողարկված պարտատոմսերի կամ բաժնետոմսերի տարբերակիչ ծածկագիրը,
• թողարկված պարտատոմսերի կամ բաժնետոմսերի տեղաբաշխված ծավալը,
• թողարկված պարտատոմսերի կամ բաժնետոմսերի տեղաբաշխված քանակը,
• թողարկված պարտատոմսերի կամ բաժնետոմսերի անվանական արժեքը,
• պարտատոմսերի կամ բաժնետոմսերի թողարկման ամսաթիվը,
• պարտատոմսերի կամ բաժնետոմսերի տեղաբաշխման սկիզբը,
• պարտատոմսերի կամ բաժնետոմսերի տեղաբաշխման ավարտը,
• ֆոնդային բորսայի անվանումը,
• ֆոնդային բորսայի ցուցակը կամ հարթակը, որտեղ պարտատոմսը կամ բաժնետոմսը ցուցակված է,
• ցուցակման ամսաթիվը,
• ֆոնդային բորսայի կողմից պարտատոմսին կամ բաժնետոմսին շնորհված հապավումը,
• պարտատոմսերի կամ բաժնետոմսերի շուկա ստեղծողը (ստեղծողները),
• պարտատոմսերի տեղաբաշխումից հետո ստացվող օժանդակության հայտը պետք է պարունակի նաև՝
• պարտատոմսերի մարման ամսաթիվը,
• արժեկտրոնի եկամտաբերությունը,
• արժեկտրոնի վճարման պարբերականությունը,
• տեղեկատվություն յուրաքանչյուր արժեկտրոնի վճարման վերաբերյալ,
• հայտում պարունակվող տեղեկությունները հաստատող և կատարված ծախսերը հիմնավորող փաստաթղթերը։

Բաժնետոմսերի թողարկման աջակցության հայտի ձևը ստանալու համար անհրաժեշտ է դիմել ՀՀ էկոնոմիկայի նախարարություն։

• հայտ, որի բոլոր էջերը պետք է ստորագրված լինեն, և այն պետք է պարունակի հետևյալ տեղեկությունները՝
• հայտատուի անվանումը,
• հայտատուի գործունեության հասցեն,
• հայտատուի հեռախոսահամարը և էլեկտրոնային փոստը,
• հայտատուի հարկ վճարողի հաշվառման համարը,
• հայտատուի գործադիր մարմնի ղեկավարի անունը, ազգանունը և պաշտոնը,
• միջազգային վարկանիշային գործակալության անվանումը,
• վարկանիշավորման ամսաթիվը,
• ստացված վարկանիշը՝ կցելով հավաստող փաստաթուղթը,
• վարկանիշի ստացման և սպասարկման առաջին տարվա ծախսերը՝ կցելով հավաստող փաստաթղթերը,
• հայտում պարունակվող տեղեկությունները հաստատող և կատարված ծախսերը հիմնավորող փաստաթղթերը։

Վարկանիշավորման պետական աջակցության հայտի ձևը ստանալու համար անհրաժեշտ է դիմել ՀՀ էկոնոմիկայի նախարարություն։

Ուշադրություն
Հայտը լրացնելու համար անհրաժեշտ է ներբեռնել Adobe Acrobat հավելվածը, հայտի ձևը տեղադրել հավելվածում և համակարգչով լրացնել այն։ Հայտը հնարավոր է ստորագրել էլեկտրոնային եղանակով՝ նույնականացման քարտի միջոցով, կամ ձեռքով։ Ձեռքով ստորագրելու դեպքում անհրաժեշտ է տպել հայտը, ստորագրել դրա բոլոր էջերը և սկանավորել այն։ Ստորագրված հայտն անհրաժեշտ է ուղարկել Էկոնոմիկայի նախարարության էլեկտրոնային փոստի հասցեին։