Անհատ ձեռնարկատիրոջ մասին տեղեկությունների փոփոխությունը հաշվառելու համար անհրաժեշտ է պահանջվող փաստաթղթերով դիմել ՀՀ արդարադատության նախարարության իրավաբանական անձանց պետական ռեգիստրի գործակալության տարածքային սպասարկման գրասենյակներ։

Ներկայացվող պահանջները

Փոփոխության կարող է դիմել թե՛ անձամբ անհատ ձեռնարկատերը, թե՛ նրա կողմից լիազորված անձը։

Պահանջվող փաստաթղթերը

Անհատ ձեռնարկատիրոջ մասին տեղեկատվության փոփոխության համար անհրաժեշտ է ներկայացնել․

• դիմում,
• փոփոխությունը հավաստող փաստաթուղթ,
• պետական տուրքի վճարման անդորրագիր,
• լիազորագիր և անձը հաստատող փաստաթուղթ (լիազորված անձի դեպքում):
  
  

Վճարման չափը և կարգը

Անհատ ձեռնարկատիրոջ մասին տեղեկությունների փոփոխության պետական գրանցման համար սահմանված են 1,500 և 10,000 ՀՀ դրամի չափով պետական տուրքեր։ 

Վճարումն իրականացվում է E-payments համակարգի միջոցով կամ բանկային փոխանցմամբ։

E-payments համակարգի միջոցով վճարելու դեպքում անհրաժեշտ է փոխանցել՝

• 1,500 դրամ՝ հաշվառման համար,
• 10,000 դրամ՝ կանոնադրության փոփոխության համար։
  
  

Վճարումը բանկային փոխանցմամբ կատարելու դեպքում անհրաժեշտ է փոխանցել՝

• 1,500 ՀՀ դրամ՝ ՀՀ պետական բյուջեի 900005160750 հաշվեհամարին։

Նպատակ՝ «Անհատ ձեռնարկատերերի տվյալների փոփոխությունների պետական հաշվառման համար»։

• 10,000 ՀՀ դրամ՝ ՀՀ պետական բյուջեի 900005160719 հաշվեհամարին։

Նպատակ՝ «Առևտրային կազմակերպությունների և դրանց առանձնացված ստորաբաժանումների կանոնադրությունների փոփոխությունների ու լրացումների, նոր խմբագրությամբ կանոնադրությունների, գործադիր մարմնի ղեկավարի փոփոխության, պետական միասնական գրանցամատյանում գրառման ենթակա տեղեկությունների փոփոխությունների գրանցման համար (բացառությամբ գործադիր մարմնի ղեկավարի տվյալների և առևտրային կազմակերպության մասնակցի տվյալների փոփոխության)»։

Եթե բանկային հավելվածում չի ստացվում փոխանցում կատարել նշված հաշվեհամարներին, ապա խնդրում ենք ընտրել «Փոխանցում պետական բյուջե» տարբերակը։

Տրամադրման ժամկետը և կարգը

Անհատ ձեռնարկատիրոջ մասին տեղեկությունների փոփոխության պետական գրանցումը կատարվում է նույն պահին։ 

Հղում օրենսդրությանը

• «Իրավաբանական անձանց պետական գրանցման մասին» ՀՀ օրենք 
• «Պետական տուրքի մասին» ՀՀ օրենք 

Իրավական ակտերը հնարավոր է գտնել alis.am-ում։