Ծրագրին դիմելու համար անհրաժեշտ է դիմումը և պահանջվող փաստաթղթերի ցանկը էլեկտրոնային փոստով ուղարկել [email protected] փոստի հասցեին:

Ներկայացվող պահանջները

Ծրագրին դիմելու պահանջներն են․

• դիմումի ներկայացման օրվան նախորդող 365 օրերի ընթացքում կազմակերպության նկատմամբ չպետք է հարուցված լինի վարչական գործ չկատարված հարկային պարտավորությունները գանձելու վերաբերյալ,
• կազմակերպության նկատմամբ չպետք է ներկայացված լինի սնանկության դիմում, և կազմակերպությունը չպետք է լինի սնանկության գործով պարտապան,
• կազմակերպության ներդրումային ծրագրում պետք է կատարված լինի առնվազն 1 մլրդ ՀՀ դրամին համարժեք գումարի կապիտալ ներդրում, որն ամբողջությամբ ուղղվել է տնտեսապես բարդ ապրանքների արտադրության հիմնմանը կամ ընդլայնմանը։

Ընդ որում, բացառությամբ մեկնարկային աջակցության տրամադրման դեպքի, անհրաժեշտ է համապատասխանել նշված չափանիշներին՝

• շահառուի տարեկան իրացման շրջանառությունում տնտեսապես բարդ ապրանքների իրացման մասնաբաժինը պետք է կազմած լինի առնվազն 30% և պակաս չլինի արտադրության մեկնարկի տարվան նախորդող տարվա շրջանառության մասնաբաժնից: Իրացման շրջանառության հաշվարկում ներառվում են միայն տնտեսապես բարդ այն ապրանքները, որոնց ծագման երկիրը Հայաստանի Հանրապետությունն է,
• շահառուի տարեկան իրացման շրջանառության առնվազն 30%-ը պետք է ձևավորված լինի արտաքին շուկաներում իրացումից։
  
  

Պահանջվող փաստաթղթերը

Ծրագրի շահառու դառնալու համար անհրաժեշտ է ներկայացնել հետևյալ փաստաթղթերը․ 

• շահառու ճանաչվելու հայտ,
• նախորդ տարվա ֆինանսական հաշվետվությունները և աուդիտորական եզրակացությունները (առկայության դեպքում),
• ներդրումային ծրագրի ֆինանսավորման աղբյուրների հասանելիությունը հիմնավորող փաստաթղթերը,
• կազմակերպության հիմնադիր փաստաթղթերը,
• կազմակերպության իրական շահառուների վերաբերյալ ներկայացված տեղեկություններ,
• կազմակերպության նկատմամբ սնանկության վարույթի բացակայությունը հաստատող փաստաթղթերը,
• կազմակերպության՝ ժամկետանց հարկային պարտավորություններ չունենալը հաստատող փաստաթղթեր,
• կազմակերպության կողմից տրված գրավոր համաձայնություն՝ տարեկան անկախ աուդիտ անցկացնելու և դրա արդյունքները նախարարությանը տրամադրելու վերաբերյալ։

Աջակցություն ստանալու համար անհրաժեշտ է ներկայացնել հետևյալ փաստաթղթերը․

• աջակցություն ստանալու դիմում,
• կազմակերպության հիմնադիր փաստաթղթերը,
• կազմակերպության գործունեության իրականացման համար անհրաժեշտ լիցենզիաների, թույլտվությունների և ծանուցումների պատճեններ (եթե այդպիսիք կիրառվում են),
• կազմակերպության՝ դիմումի ներկայացմանը նախորդող հաշվետու տարվա հաշվետվություններ և աուդիտորական եզրակացություն,
• կատարված կապիտալ ներդրումները հավաստող փաստաթղթեր (առուվաճառքի, մատակարարման, կապալի, շինարարական կապալի, ծառայությունների մատուցման, լիզինգի պայմանագրեր և այլ փաստաթղթեր),
• կապիտալ ներդրումների արդյունքում ստեղծված, կառուցված, ձեռք բերված, վերակառուցված, վերանորոգված, արդիականացված ակտիվների նկատմամբ սեփականության կամ տիրապետման իրավունքը հավաստող փաստաթղթեր (սեփականության վկայականներ, առուվաճառքի, մատակարարման, լիզինգի, կապալի, շինարարական կապալի պայմանագրեր և այլն),
• կապիտալ ներդրումների արդյունքում ստեղծված (ձեռք բերված, կառուցված, վերակառուցված, արդիականացված, վերանորոգված) անշարժ գույք հանդիսացող ակտիվների վերաբերյալ Կադաստրի կոմիտեի կողմից տրված սահմանափակումների վերաբերյալ միասնական տեղեկանք,
• կապիտալ ներդրումների արդյունքում ստեղծված (ձեռք բերված, կառուցված, վերակառուցված, արդիականացված, վերանորոգված) շարժական գույք հանդիսացող ակտիվների նկատմամբ երրորդ անձանց իրավունքները (առկայության դեպքում) հավաստող փաստաթղթերի պատճենները,
• արտադրության մեկնարկի տարում աջակցության ստանալու համար դիմում ներկայացնելու դեպքում՝ կապիտալ ներդրումների արդյունքում ստեղծված (ձեռք բերված, կառուցված, վերակառուցված, արդիականացված, վերանորոգված) շարժական գույքի շահագործման հանձնված լինելու փաստը հաստատող փաստաթուղթ,
• ՀՀ դատական դեպարտամենտի կողմից տրված տեղեկանք՝ կազմակերպության՝ սնանկության գործով պարտապան չլինելու վերաբերյալ,
• ՀՀ պետական եկամուտների կոմիտեի կողմից տրված տեղեկանք կազմակերպության՝ դիմումի ներկայացմանը նախորդող տարվա արդյունքներով հաշվարկված և վճարված շահութահարկի և եկամտային հարկի, ինչպես նաև չմարված հարկային պարտավորությունների վերաբերյալ,
• տնտեսապես բարդ ապրանքների արտադրության համապատասխանության մասին հայտարարություն՝ ստորագրված կազմակերպության գործադիր մարմնի ղեկավարի կողմից,
• կազմակերպության հակակոռուպցիոն համապատասխանության մասին հայտարարություն։
  
  

Փաստաթղթերը հայերենից բացի կարող են նաև ներկայացվել ռուսերենով կամ անգլերենով։