Օտարերկրյա պետությունում գտնվող ՀՀ քաղաքացիները ամուսնալուծության դիմում են ներկայացնում տվյալ պետությունում կամ հարևան երկրում գտնվող հյուպատոսական հիմնարկ:

Դիմելու համար անհրաժեշտ է

• դիմել այն պետության ՔԿԱԳ մարմին, որտեղ անհրաժեշտ է գրանցել ամուսնությունը,
• հավաքել ու ներկայացնել անհրաժեշտ բոլոր փաստաթղթերը,

Օտարերկրյա պետություններում ՀՀ հյուպատոսական հիմնարկները սահմանված կարգով

• իրականացնում են ամուսնության պետական գրանցումը,
• ՀՀ տարածքից դուրս գտնվող ՀՀ քաղաքացիների, ինչպես նաև օտարերկրյա քաղաքացիների և քաղաքացիություն չունեցող անձանց դիմումներով եզրակացություններ են կազմում ՀՀ տարածքում կազմված ամուսնության ակտերի գրառումներում ուղղումներ, լրացումներ կամ փոփոխություններ կատարելու վերաբերյալ,
• ուղղումներ, լրացումներ կամ փոփոխություններ են կատարում իրենց մոտ պահվող ամուսնության ակտերի գրառումներում,
• իրենց գրանցած ամուսնության ակտերի գրառումների հիման վրա տալիս են գրանցման վկայականներ, վկայականների կրկնօրինակներ և ամուսնության պետական գրանցումը հաստատող այլ փաստաթղթեր։ 

Օտարերկրյա պետություններում ՀՀ հյուպատոսական հիմնարկների կազմած ամուսնության ակտերի գրառումների առաջին օրինակները և տվյալ ակտերի պետական գրանցման համար հիմք համարվող փաստաթղթերը 30 աշխատանքային օրվա ընթացքում փոխանցվում են ՀՀ արդարադատության նախարարության համապատասխան արխիվ` պահպանման, իսկ երկրորդ օրինակները պահպանվում են ՀՀ հյուպատոսական հիմնարկներում։

Ուշադրություն
Օտարերկրյա պետություններում գրանցված ամուսնության լուծումը կատարվում է երկկողմ կամ բազմակողմ միջազգային պայմանագրով սահմանված ընթացակարգով՝ կախված տվյալ պետության հետ կնքված միջազգային պայմանագրերի դրույթներից։ 

Հղում օրենսդրությանը

• «Քաղաքացիական կացության ակտերի մասին» ՀՀ օրենք։
• «Պետական տուրքի մասին» ՀՀ օրենք։

Իրավական ակտերը հնարավոր է տեսնել arlis.am-ում։