Հավաստագրման համար կարող են դիմել՝

• ՏՏ ոլորտում գործունեություն իրականացնող՝ մինչև 30 աշխատակից ունեցող սկսնակ առևտրային կազմակերպությունները,
• անհատ ձեռնարկատերերը։

Դիմելու համար անհրաժեշտ է՝ 

• տպել ստորև ներկայացված փաստաթղթերը,
• ներկայացնել դրանք Բարձր տեխնոլոգիական արդյունաբերության նախարարություն,
• հետևել ընդունարանի անձնակազմի ցուցումներին։

Պահանջվող փաստաթղթերը՝ 

• Դիմում հայտ,
• Հավաստագիր ստանալու դիմում,
• Գործունեության տեսակների վերաբերյալ հայտարարություն,
• Հայտարարություն իրավաբանական անձի իրավական կարգավիճակի մասին,
• Տեղեկանք աշխատողների թվի, պաշտոնների անվանումների, անունների ազգանունների մասին,
• Տեղեկանք կանոնադրական կապիտալում մասնակցության մասին,
• Հայտարարություն հավաստագրվող անձի կանոնադրական կապիտալում օրենքով սահմանված անուղղակի մասնակցության մասին։

Տրամադրման ժամկետը՝

30 օրվա ընթացքում դիմողը կհրավիրվի նախարարություն՝ մասնակցելու Հանձնաժողովի նիստին, որի ընթացքում որոշում կկայացվի հավաստագիր տրամադրելու կամ մերժելու մասին։ 
Անհրաժեշտ պարզաբանումներ կտրվեն առաջացած հարցադրումներին, հաստատվելու դեպքում հավաստագրերը կտրամադրվեն նիստից նվազագույնը 5 աշխատանքային օր հետո:

Հղում օրենսդրությանը՝

• «Տեղեկատվական տեխնոլոգիաների ոլորտի պետական աջակցության մասին» ՀՀ օրենք,

• ՀՀ կառավարության 2015 թվականի մարտի 19-ի N 312-Ն որոշում։