Համայնքապետարանի աշխատակազմի ներկայացուցչին շինարարական օբյեկտը ընդունող հանձնաժողովում ընդգրկելու դիմում ներկայացնելու համար անհրաժեշտ է դիմել տվյալ համայնքը ղեկավարող մարմին։  

Պահանջվող փաստաթղթերը

Դիմելու համար անհրաժեշտ է ներկայացնել.

• դիմում՝ համայնքապետարանի աշխատակազմի ներակայացուցչի ներգրավելու մասին (ձևը տրամադրվում է տեղում),
• դիմողի անձը հաստատող փաստաթղթի պատճենը՝ Ֆիզիկական անձի դեպքում, (իրավաբանական անձի դեպքում՝ պետական ռեգիստրի գրանցման վկայականի պատճենը),
• համապատասխան լիազորագիրը՝ կառուցապատողի փոխարեն իր օրինական ներկայացուցչի հանդես գալու դեպքում,
• հասցե տրամադրելու ծառայության համար նախատեսված վճարի անդորրագիրը, եթե կառուցված օբյեկտին անհրաժեշտ է տրամադրել նաև փոստային առաքման նոր հասցե։
  
  

Վճարման չափը և կարգը

• Համայնքապետարանի ներկայացուցչին շինարարական օբյեկտն ընդունող հանձնաժողովում ներգրավելու ծառայությունն անվճար է։
• Հասցե տրամադրելու ծառայության համար անհրաժեշտ է վճարել 15,000 ՀՀ դրամ պետական տուրք։
• Վճարման վերաբերյալ մանրամասները հնարավոր է իմանալ համայնքապետարանի աշխատակցից։
  
  

Տրամադրման կարգը և ժամկետը 

Դիմումը ներկայացնելուց հետո 5-օրյա ժամկետում կառուցապատողը ստանում է համայնքապետարանի աշխատակազմի կողմից առաջադրված թեկնածուի մասին առաջարկը։ 

Հղում օրենսդրությանը

• ՀՀ կառավարության՝ 2015 թվականի մարտի 19-ի N 596-Ն որոշում
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում։