Ներկայացվող պահանջները

• Ծանուցում անհրաժեշտ է ներկայացնել ծանուցման ենթակա գործունեության յուրաքանչյուր տեսակի համար, որոնց ցանկը սահմանված է «Գործունեության իրականացման ծանուցման մասին» ՀՀ օրենք-ով (օրենքը հնարավոր է գտնել arlis.am-ում)։

Պահանջվող փաստաթղթերը

Ծանուցման իրավունք ստանալու համար անհրաժեշտ է ներկայացնել՝

• հայտ,

• իրավաբանական անձանց դեպքում՝ կազմակերպության անվանումը,

• պետական գրանցման համարը,

• գտնվելու վայրը, գործունեության իրականացման վայրը,

• ծանուցման ենթակա գործունեության տեսակը, որը ծանուցում ներկայացնող անձը մտադիր է իրականացնել,

• հորատումն իրականցնող ընկերության տվյալները,

• ֆիզիկական անձանց դեպքում՝ անհատ ձեռնարկատիրոջ անունը, ազգանունը,

• բնակության կամ հաշվառման վայրը,

• գործունեության իրականացման վայրը,

• պետական հաշվառման համարը (անհատ ձեռնարկատեր չհանդիսացող ֆիզիկական անձի դեպքում՝ անձնագրի համարը),

• ծանուցման ենթակա գործունեության տեսակը, որը ծանուցում ներկայացնող անձը մտադիր է իրականացնել,

• պետական տուրքի վճարման անդորրագիրը։

Թույլտվության չտրամադրման հիմքերը

Թույլտվությունը կարող է չտրամադրվել, եթե՝

• ներկայացված փաստաթղթերը թերի են, կեղծ կամ խեղաթյուրված կամ չեն համապատասխանում անհրաժեշտ պահանջներին,

• դիմող անձն իրավունք չունի զբաղվել ծանուցման ենթակա գործունեության տեսակով։

Վճարման չափը և կարգը

Ստորերկրյա քաղցրահամ ջրերի օգտագործման նպատակով հորատման գործունեության համար թույլտվություն ստանալու նպատակով անհրաժեշտ է վճարել 200,000 դրամ։ Վճարումն անհրաժեշտ է կատարել բանկային փոխանցմամբ 900005169298 հաշվեհամարին։

Տրամադրման ժամկետը և կարգը

Թույլտվությունը տրամադրվում է ծանուցումը ներկայացնելուց հետո 5 աշխատանքային օրվա ընթացքում։

Ծանուցման ենթակա գործունեության իրականացման վայրի փոփոխման դեպքում հարկավոր է ներկայացնել նոր ծանուցում` նշելով ծանուցման մեջ ներառվող տեղեկությունները և նոր վայրը:

Ծանուցված գործունեությունը կարող է կասեցվել խախտումների հայտնաբերման դեպքում՝ կատարվելու օրվանից հետո 3 երեք ամսվա ընթացքում, տևական խախտման դեպքում` այն բացահայտվելու օրվանից հետո՝ 3 երեք ամսվա ընթացքում։

1 տարվա ընթացքում երկու անգամ ծանուցման ենթակա գործունեությամբ զբաղվելու իրավունքի կասեցման դեպքում գործունեության իրավունքը դադարեցվում է։

Հղում օրենսդրությանը

• «Գործունեության իրականացման ծանուցման մասին» ՀՀ օրենք

Օրենքը հնարավոր է գտնել Arlis.am-ում։