Պահանջվող փաստաթղթերը

• դիմում՝ նշելով դիմողի անունը, հայրանունը և ազգանունը (անձը հաստատող փաստաթղթում հայրանվան առկայության դեպքում), բնակության վայրը, հեռախոսահամարը,
• դիմողի անձնագիրը կամ նույնականացման քարտը,
• ընտանիքում բռնության ենթարկված անձ հանդիսանալու փաստը հաստատող տեղեկություններ՝ ներկայացնելով նաև համապատասխան փաստաթղթերը,
• դիմողի բանկային հաշվեհամարը և սպասարկող բանկի անվանումը, որին փոխանցվում է տրամադրվող գումարը,
• օրենքով սահմանված հատուկ կառույցների, ինչպես նաև սոցիալական ծառայություններ տրամադրող տարածքային մարմինների՝ ընտանիքում բռնության ենթարկված անձանց ֆինանսական աջակցություն տրամադրելու վերաբերյալ գրավոր միջնորդությունը (դրա առկայության դեպքում),
• ՀՀ կառավարության 2019 թվականի մարտի 29-ի N 333-Ն որոշման N 2 հավելվածի հարցաթերթով ներկայացված հարցերի պատասխանները։

Տրամադրման ժամկետը և կարգը

Լիազոր մարմինը փաստաթղթերն ստանալուց հետո 3 աշխատանքային օրվա ընթացքում ապահովում է դրանք ամբողջականորեն ներկայացնելը բազմամասնագիտական խմբին:

Բազմամասնագիտական խումբը 7 աշխատանքային օրվա ընթացքում ուսումնասիրում է փաստաթղթերը, կայացնում է ընտանիքում բռնության ենթարկված անձին ֆինանսական աջակցություն տրամադրելու վերաբերյալ եզրակացություն և ներկայացնում լիազոր մարմին:

Լիազոր մարմինը 3 աշխատանքային օրվա ընթացքում լիազոր մարմնի ղեկավարին է ներկայացնում  եզրակացությունը և փաստաթղթերը:

Լիազոր մարմնի ղեկավարը փաստաթղթերն ստանալուց հետո7 աշխատանքային օրվա ընթացքում ընդունում է ընտանիքում բռնության ենթարկված անձին ֆինանսական աջակցություն տրամադրելու կամ այն մերժելու վերաբերյալ որոշում:

Լիազոր մարմինը որոշումն ստանալուց հետո 5 աշխատանքային օրվա ընթացքում լիազոր մարմնի ղեկավարին է ներկայացնում ընտանիքում բռնության ենթարկված անձին ֆինանսական աջակցություն տրամադրելու վերաբերյալ զեկուցագիր:

Լիազոր մարմինը կազմում է ֆինանսավորման հայտ-պահանջագիր և ընտանիքում բռնության ենթարկված անձին 3 աշխատանքային օրվա ընթացքում տեղեկացնում է ֆինանսական աջակցության տրամադրման մասին:

Լիազոր մարմինը բռնության ենթարկված անձին ֆինանսական աջակցություն տրամադրելը մերժելու մասին լիազոր մարմնի ղեկավարի որոշումը 3 աշխատանքային օրվա ընթացքում ուղարկում է դիմողին:

Ընտանիքում բռնության ենթարկված անձին ֆինանսական աջակցության տրամադրման նպատակները 

• Կենսաապահովման նվազագույն կարիքները հոգալու համար,
• բուժումը կամ առողջության վերականգնումը կազմակերպելու նպատակով  փոխհատուցման կամ մասնակի փոխհատուցման համար,
• ժամանակավոր կացարանով ապահովելու նպատակով բնակելի տարածքի վարձակալության գումարի փոխհատուցման համար,
• աշխատանքի տեղավորման նպատակով վերապատրաստման դասընթացների վարձավճարի փոխհատուցման համար՝ բացառությամբ «Զբաղվածության մասին» ՀՀ օրենքով գործազուրկների և աշխատաշուկայում անմրցունակ անձանց համար սահմանված զբաղվածության կարգավորման պետական ծրագրերում նախատեսված դասընթացների:

Հղում օրենսդրությանը

• «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենք։
• ՀՀ կառավարության՝ 2019 թվականի մարտի 29-ի N 333-Ն որոշում։

Իրավական ակտերը հնարավոր է գտնել arlis.am-ում։