Մանկաբարձական և գինեկոլոգիական արտահիվանդանոցային բուժօգնություն ստանալու համար անհրաժեշտ է Ֆիզիկապես այցելել տեղամասային բժշկական հաստատության մանկաբարձ-գինեկոլոգին (գյուղական վայրերում՝ նաև ընտանեկան բժշկին, մանկաբարձուհուն կամ վերապատրաստված բուժքրոջը)։  

Նախնական զննումից հետո ծառայության մատուցման տարբեր փուլերում կընդգրկվեն նաև այլ մասնագետներ, և կկազմակերպվի լաբորատոր-գործիքային ախտորոշիչ հետազոտությունների իրականացման գործընթացը:

Ծրագրի մասին 

Աջակցության շրջանակում տրամադրվում են բժշկական օգնության ու սպասարկման հետևյալ տեսակները․  

• հղիության նախածննդյան և հետծննդյան հսկողություն (այդ թվում՝ բարձր ռիսկի խմբի հղիներ և ծննդկաններ),
• գինեկոլոգիական կանխարգելիչ հետազոտում ու բուժում՝ առանց այցերի թվի սահմանափակման,
• դեղերի տրամադրում,
• տվյալ տարվա ընթացքում տեղամասային մանկաբարձ-գինեկոլոգին առաջին անգամ դիմած կանանց կրծքագեղձերի կանխարգելիչ զննում, գինեկոլոգիական զննում, բժշկական ցուցումների դեպքում` ուլտրաձայնային և այլ հետազոտություններ,
• առաջին անգամ դիմած 30-60 տարեկան կանանց արգանդի վզիկի պարտադիր քննություն, բժշկական ցուցումների առկայության դեպքում` կոլպոսկոպիա և բիոպսիա,
• նախադաշտանային և հետդաշտանադադարային տարիքի կանանց խորհրդատվության տրամադրում, գինեկոլոգիական բժշկական օգնության ու սպասարկման և անհրաժեշտ լաբորատոր-գործիքային հետազոտությունների իրականացում,
• դեռահաս աղջիկների ֆիզիկական և սեռական հասունացման գնահատում և հետազոտություններ։
  
  

Ներկայացվող պահանջները

Աջակցությունից կարող են օգտվել․

• ՀՀ քաղաքացիություն ունեցող կանայք, դեռահաս աղջիկները,
• ՀՀ քաղաքացու հետ գրանցված ամուսնության մեջ գտնվող օտարերկրյա քաղաքացի կանայք,
• օտարերկրյա քաղաքացի կամ քաղաքացիություն չունեցող կանայք,
• ՀՀ-ում փախստականի և ապաստան հայցողի կարգավիճակ ունեցող հղի կանայք։
  
  

Պահանջվող փաստաթղթերը

Մանկաբարձական և գինեկոլոգիական արտահիվանդանոցային բուժօգնություն ստանալու համար անհրաժեշտ է ներկայացնել․

• անձը հաստատող փաստաթուղթ,
• հանրային ծառայությունների համարանիշ (ՀԾՀ), իսկ բացակայության դեպքում՝ ՀԾՀ-ի մասին տեղեկանք։