Աշխատանք և զբաղվածություն

Պետական մարմիններում աշխատանքի համար կարող են դիմել ՀՀ բոլոր քաղաքացիները, եթե նրանց կրթությունը կամ մասնագիտական կարողութունները համապատասխանում են ներկայացվող պահանջներին։

Հարթակը հնարավորություն է տալիս ոչ միայն գտնել աշխատանք և աշխատակից, այլև դիմել աշխատանքային պրակտիկայի և կամավորական աշխատանքի, պետական ոլորտի զբաղվածության ծրագրերին։

Ծրագրի շրջանակում աջակցություն է տրամադրվում ռազմական գործողություններին մասնակցած, ինչպես նաև ժամկետային պարտադիր զինվորական ծառայությունից զորացրված գործազուրկ անձանց, որպեսզի վերջիններս ձեռք բերեն գործատուի կողմից ներկայացված պահանջներին համապատասխան մասնագիտական հմտություններ և կարողություններ՝ գործատուի մոտ առկա թափուր աշխատատեղը համալրելու համար։

Աշխատանք կորցնելու դեպքում քաղաքացին կարող է հաշվառվել որպես աշխատանք փնտրող անձ, ստանալ գործազուրկի կարգավիճակ, ստանալ ծանուցումներ մասնագիտական որակավորումներին համապատասխան աշխատանքների մասին, ինչի հիման վրա հետագայում կարող է աշխատանք ունենալ։

Արձակուրդն աշխատանքային օրերով հաշվարկվող ժամանակահատված է, որը տրամադրվում է աշխատողին հանգստանալու և աշխատունակությունը վերականգնելու համար: Այդ ընթացքում պահպանվում է նրա աշխատատեղը և վճարվում է միջին աշխատավարձը:

Հայաստանի Հանրապետության գործատուներն իրավունք ունեն օտարերկրացի աշխատողի հետ աշխատանքային պայմանագիր (ծառայությունների մատուցման պայմանագիր) կնքելու՝ Զբաղվածության պետական գործակալության կողմից օտարերկրացի աշխատողին տրված աշխատանքի թույլտվության հիման վրա։ 

Յուրաքանչյուր նոր աշխատողի ընդունելիս անհրաժեշտ է նրա տվյալները գրանցել ՀՀ պետական եկամուտների կոմիտեի հարկային հաշվետվությունների ներկայացման էլեկտրոնային հարթակում, որպեսզի գործատուն կարողանա կատարել աշխատողներին առնչվող իր հարկային պարտավորությունները։  

Վերջնահաշվարկը աշխատանքի ընթացքում չօգտագործված արձակուրդների վճարն է, որը տրվում է աշխատողին աշխատանքից դուրս գալուց հետո։

Ծրագրի հիմնական նպատակն է նպաստել երկրում առաջատար տեխնոլոգիաների տարածմանը, ինչպես նաև բարձր ավելացված արժեքով ապրանքների թողարկման և արտահանման խթանմանը:

Ծրագրի նպատակն է կազմակերպություններին աջակցել բարձր որակավորում ունեցող մասնագետների ներգրավման հարցում։ Կազմակերպությանը փոխհատուցվում է մասնագետի աշխատավարձի և այլ վճարների՝ արձակուրդայինների, հավելավճարների, պարգևավճարների 20%-ը (առավելագույնը 1 մլն դրամ) և վճարված եկամտային հարկը։

Վերջին 3 ամսվա ընթացքում անընդմեջ գործազուրկի կարգավիճակ ունեցող, 35 տարեկանից բարձր տարիքի գործազուրկ անձանց աշխատանքի ընդունելու դեպքում գործատուները կարող են պետությունից ստանալ միանվագ ֆինանսական աջակցություն աշխատանքի ընդունված յուրաքանչյուր անձի համար։ 

Փորձնակը այն անձն է, որը դիմում է համապատասխան մարմիններ՝ աշխատանքային փորձ ձեռք բերելու նպատակով։ Փորձնակների աշխատանքը չի վարձատրվում։